ਹੌਂਡਾ ਕਾਰਜ਼ ਇੰਡੀਆ ਨੇ ਭਾਰਤ ਵਿੱਚ ਆਪਣੀ ਮਸ਼ਹੂਰ SUV ਐਲੀਵੇਟ ਦੇ ਦੋ ਰੂਪ – ਬਲੈਕ ਐਡੀਸ਼ਨ ਅਤੇ ਸਿਗਨੇਚਰ ਬਲੈਕ ਐਡੀਸ਼ਨ ਲਾਂਚ ਕੀਤੇ ਹਨ। ਇਹ ਦੋਵੇਂ ਐਡੀਸ਼ਨ ਕ੍ਰਿਸਟਲ ਬਲੈਕ ਪਰਲ ਰੰਗ ਵਿੱਚ ਪੇਸ਼ ਕੀਤੇ ਗਏ ਹਨ। ਕੰਪਨੀ ਨੇ ਗਾਹਕਾਂ ਦੀ ਵਧਦੀ ਮੰਗ ਨੂੰ ਦੇਖਦੇ ਹੋਏ ਐਲੀਵੇਟ ਬਲੈਕ ਐਡੀਸ਼ਨ ਲਾਂਚ ਕੀਤਾ ਹੈ। ਐਲੀਵੇਟ ਬਲੈਕ ਐਡੀਸ਼ਨ ਰਾਹੀਂ, ਹੌਂਡਾ ਉਨ੍ਹਾਂ ਗਾਹਕਾਂ ਨੂੰ ਆਕਰਸ਼ਿਤ ਕਰਨਾ ਚਾਹੁੰਦੀ ਹੈ ਜੋ ਇੱਕ ਸਟਾਈਲਿਸ਼ ਅਤੇ ਪ੍ਰੀਮੀਅਮ SUV ਚਾਹੁੰਦੇ ਹਨ।
ਕੀਮਤਾਂ ਦੀ ਗੱਲ ਕਰੀਏ ਤਾਂ Honda Elevate Black Edition ZX MT ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 15.51 ਲੱਖ ਰੁਪਏ ਹੈ ਅਤੇ Signature Black Edition ZX MT ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 15.71 ਲੱਖ ਰੁਪਏ ਹੈ।
ਇਸ ਦੇ ਨਾਲ ਹੀ, Honda Elevate Black Edition ZX CVT ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 16.73 ਲੱਖ ਰੁਪਏ ਹੈ ਅਤੇ Signature Black Edition ZX CVT ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 16.93 ਲੱਖ ਰੁਪਏ ਹੈ। ਗਾਹਕ ਇਨ੍ਹਾਂ ਬਲੈਕ ਐਡੀਸ਼ਨਾਂ ਨੂੰ ਹੋਂਡਾ ਡੀਲਰਸ਼ਿਪਾਂ ‘ਤੇ ਬੁੱਕ ਕਰ ਸਕਦੇ ਹਨ। CVT ਵੇਰੀਐਂਟਸ ਦੀ ਡਿਲੀਵਰੀ ਜਨਵਰੀ 2025 ਤੋਂ ਸ਼ੁਰੂ ਹੋਵੇਗੀ, ਜਦੋਂ ਕਿ ਮੈਨੂਅਲ ਟ੍ਰਾਂਸਮਿਸ਼ਨ ਵੇਰੀਐਂਟਸ ਦੀ ਡਿਲੀਵਰੀ ਫਰਵਰੀ 2025 ਤੋਂ ਸ਼ੁਰੂ ਹੋਵੇਗੀ।
