ਮੀਡੀਆ ਕਰਮਚਾਰੀ ‘ਤੇ ਜਾਨਲੇਵਾ ਹਮਲਾ

ਪੀੜਤ ਨੇ ਦੱਸਿਆ ਕਿ 23 ਅਕਤੂਬਰ ਦੀ ਸਵੇਰ ਨੂੰ ਉਹ ਕਰੀਬ 10 ਵਜੇ ਸਕੂਟਰ ‘ਤੇ ਨੂਰਮਹਿਲ ਸਥਿਤ ਆਪਣੇ ਦਫ਼ਤਰ ਜਾ ਰਿਹਾ ਸੀ, ਜਦੋਂ ਸੁਖਵਿੰਦਰ ਕੁਮਾਰ ਉਰਫ਼ ਸੀਸੂ, ਹਰਵਿੰਦਰ ਕੁਮਾਰ ਉਰਫ਼ ਕਾਕਾ ਅਤੇ ਪਰਮਜੀਤ ਨੇ ਉਸਨੂੰ ਭੰਡਾਲ ਹਿੰਮਤ ਵਿੱਚ ਇੱਕ ਸੀਮਿੰਟ ਦੀ ਦੁਕਾਨ ਨੇੜੇ ਰੋਕ ਲਿਆ।

ਪਹਿਲਾਂ ਉਨ੍ਹਾਂ ਨੇ ਬਹਿਸ ਕੀਤੀ, ਅਤੇ ਫਿਰ ਸੁਖਵਿੰਦਰ ਕੁਮਾਰ ਨੇ ਪਾਈਪ ਨਾਲ ਉਸਦੀ ਲੱਤ ਉੱਪਰ ਕਈ ਵਾਰ ਕੀਤੇ। ਜਦੋਂ ਉਸ ਨੇ ਆਪਣਾ ਬਚਾਅ ਕਰਨ ਲਈ ਹੱਥ ਵਧਾਇਆ ਤਾਂ ਹਮਲਾਵਰ ਹਰਵਿੰਦਰ ਕੁਮਾਰ ਨੇ ਉਸ ਉੱਤੇ ਬੇਸਬਾਲ ਬੈਟ ਨਾਲ ਵਾਰ ਕੀਤਾ, ਜਿਸ ਨਾਲ ਉਸਦੀਆਂ ਉਂਗਲਾਂ ਵਿੱਚ ਸੱਟ ਲੱਗ ਗਈ। ਫਿਰ ਤੀਜੇ ਹਮਲਾਵਰ ਸੁਖਵਿੰਦਰ ਕੁਮਾਰ ਨੇ ਬੇਸਬਾਲ ਬੈਟ ਨਾਲ ਉਸਦੇ ਸਿਰ ਵਿੱਚ ਵਾਰ ਕਰਨ ਦੀ ਕੋਸ਼ਿਸ਼ ਕੀਤੀ।

ਪੀੜਤ ਨੇ ਕਿਹਾ ਕਿ ਜਦੋਂ ਉਸਨੇ ਰੋਲਾ ਪਾਇਆ ਤਾਂ ਲੋਕਾਂ ਨੇ ਉਸਨੂੰ ਬਚਾਇਆ। ਉਸਦੀ ਭਰਜਾਈ ਸੁਖਵਿੰਦਰ ਕੌਰ ਅਤੇ ਪਤਨੀ ਮਨਜੀਤ ਕੁਮਾਰੀ ਵੀ ਮੌਕੇ ‘ਤੇ ਪਹੁੰਚ ਗਈਆਂ। ਉਨ੍ਹਾਂ ਨੂੰ ਦੇਖ ਕੇ, ਦੋਸ਼ੀ ਉਸਨੂੰ ਜਾਨੋਂ ਮਾਰਨ ਦੀ ਧਮਕੀ ਦੇ ਕੇ ਭੱਜ ਗਏ। ਉਨ੍ਹਾਂ ਨੇ ਜਾਣ ਤੋਂ ਪਹਿਲਾਂ ਉਸਦੇ ਸਕੂਟਰ ਨੂੰ ਵੀ ਨੁਕਸਾਨ ਪਹੁੰਚਾਇਆ ਅਤੇ ਉਸਦਾ ਮੋਬਾਈਲ ਫੋਨ ਸਾੜ ਦਿੱਤਾ।

ਘਟਨਾ ਤੋਂ ਬਾਅਦ ਪੀੜਤ 10 ਦਿਨਾਂ ਤੱਕ ਸਿਵਲ ਹਸਪਤਾਲ ਵਿੱਚ ਦਾਖਲ ਰਿਹਾ। ਪਹਿਲਾਂ ਨੂਰਮਹਿਲ ਪਹੁੰਚਾਇਆ ਗਿਆ, ਜਿੱਥੇ ਮੁੱਢਲਾ ਇਲਾਜ ਕਰਵਾਉਣ ਤੋਂ ਬਾਅਦ, ਡਾਕਟਰਾਂ ਨੇ ਉਸਨੂੰ ਸਿਵਲ ਹਸਪਤਾਲ, ਜਲੰਧਰ ਰੈਫਰ ਕਰ ਦਿੱਤਾ। ਮੈਡੀਕਲ ਰਿਪੋਰਟ (MLR) ਦੇ ਅਨੁਸਾਰ, ਪੀੜਤ ਦੇ ਸਰੀਰ ‘ਤੇ 3 ਗੰਭੀਰ ਸੱਟਾਂ ਲੱਗੀਆਂ ਹਨ, ਅਤੇ ਐਕਸ-ਰੇ ਰਿਪੋਰਟ ਆਉਣੀ ਬਾਕੀ ਹੈ।

ਪੁਲਿਸ ASI ਸੁਭਾਸ਼ ਚੰਦਰ ਨੇ ਦੱਸਿਆ ਕਿ ਪੀੜਤਾ ਦੇ ਬਿਆਨ ਦਰਜ ਕਰਨ ਤੋਂ ਬਾਅਦ, ਮੁਲਜ਼ਮਾਂ ਵਿਰੁੱਧ ਬੀਐਨਐਸ ਦੀ ਧਾਰਾ 115(2), 126(2), 351(2), 324(4), 3(5) ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਅਤੇ ਅਗਲੇਰੀ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ।