ਮਾਂ ਬਣਨਾ ਕਿਸੇ ਵੀ ਔਰਤ ਦੇ ਜੀਵਨ ਦਾ ਬਹੁਤ ਖ਼ਾਸ ਅਤੇ ਭਾਵਨਾਤਮਕ ਅਨੁਭਵ ਹੁੰਦਾ ਹੈ। ਲੇਕਿਨ ਇਸ ਦੇ ਨਾਲ ਹੀ ਸਰੀਰ ਅਤੇ ਮਨ ਵਿਚ ਕਈ ਵੱਡੇ ਬਦਲਾਅ ਵੀ ਆਉਂਦੇ ਹਨ, ਜਿਨ੍ਹਾਂ ਦਾ ਅਸਰ ਰਿਸ਼ਤਿਆਂ ਅਤੇ ਖ਼ਾਸਕਰ ਸਰੀਰਕ ਨਜ਼ਦੀਕੀ ’ਤੇ ਪੈ ਸਕਦਾ ਹੈ। ਇਹੀ ਕਾਰਨ ਹੈ ਕਿ ਕਈ ਔਰਤਾਂ ਵਿਚ ਬੱਚੇ ਦੇ ਜਨਮ ਤੋਂ ਬਾਅਦ ਸਰੀਰਕ ਨਜ਼ਦੀਕੀ ਯਾਨੀ ਸਰੀਰਕ ਸਬੰਧ ਬਣਾਉਣ ਦੀ ਇੱਛਾ ਘਟ ਜਾਂਦੀ ਹੈ। ਮਾਹਿਰ ਇਸਨੂੰ ਇਕ ਆਮ ਅਤੇ ਅਸਥਾਈ ਬਦਲਾਅ ਮੰਨਦੇ ਹਨ।
ਕੀ ਹੁੰਦੇ ਹਨ ਕਾਰਨ?
ਡਿਲਿਵਰੀ ਤੋਂ ਬਾਅਦ ਸਭ ਤੋਂ ਵੱਡਾ ਕਾਰਨ ਹੁੰਦਾ ਹੈ ਥਕਾਵਟ। ਨਵਜਾਤ ਸ਼ਿਸ਼ੂ ਦੀ ਦੇਖਭਾਲ ਵਿਚ ਦਿਨ-ਰਾਤ ਦਾ ਫ਼ਰਕ ਮਿਟ ਜਾਂਦਾ ਹੈ। ਨੀਂਦ ਪੂਰੀ ਨਹੀਂ ਹੋ ਪਾਉਂਦੀ ਅਤੇ ਸਰੀਰ ਲਗਾਤਾਰ ਥਕਿਆ ਹੋਇਆ ਮਹਿਸੂਸ ਕਰਦਾ ਹੈ। ਇਹੋ ਜਿਹੇ ਵਿਚ ਸਰੀਰਕ ਸਬੰਧ ਦੀ ਇੱਛਾ ਘਟਨਾ ਸੁਭਾਵਿਕ ਹੈ। ਇਸ ਤੋਂ ਇਲਾਵਾ ਪੋਸਟਨੇਟਲ ਡਿਪਰੈਸ਼ਨ ਵੀ ਇਕ ਵੱਡੀ ਵਜ੍ਹਾ ਹੈ। ਕਈ ਔਰਤਾਂ ਬੱਚੇ ਦੇ ਜਨਮ ਤੋਂ ਬਾਅਦ ਮਾਨਸਿਕ ਦਬਾਅ, ਚਿੰਤਾ ਅਤੇ ਭਾਵਨਾਤਮਕ ਉਤਾਰ-ਚੜ੍ਹਾਅ ਵਿੱਚੋਂ ਲੰਘਦੀਆਂ ਹਨ। ਇਹ ਸਥਿਤੀ ਨਾ ਸਿਰਫ਼ ਉਨ੍ਹਾਂ ਦੇ ਮੂਡ ਨੂੰ ਪ੍ਰਭਾਵਿਤ ਕਰਦੀ ਹੈ, ਸਗੋਂ ਪਾਰਟਨਰ ਨਾਲ ਨਜ਼ਦੀਕੀ ’ਤੇ ਵੀ ਅਸਰ ਪਾਉਂਦੀ ਹੈ।
ਹਾਰਮੋਨਲ ਬਦਲਾਅ ਦਾ ਵੀ ਅਹਿਮ ਰੋਲ
ਹਾਰਮੋਨਲ ਬਦਲਾਅ ਵੀ ਇਸ ਵਿਚ ਅਹਿਮ ਭੂਮਿਕਾ ਨਿਭਾਉਂਦੇ ਹਨ। ਪ੍ਰੈਗਨੈਂਸੀ ਅਤੇ ਡਿਲਿਵਰੀ ਤੋਂ ਬਾਅਦ ਸਰੀਰ ਵਿਚ ਐਸਟ੍ਰੋਜਨ ਅਤੇ ਪ੍ਰੋਜੈਸਟੇਰੋਨ ਵਰਗੇ ਹਾਰਮੋਨ ਦਾ ਪੱਧਰ ਅਚਾਨਕ ਘਟ ਜਾਂਦਾ ਹੈ। ਇਸ ਨਾਲ ਸਰੀਰ ਦੀ ਕੁਦਰਤੀ ਲੁਬ੍ਰੀਕੇਸ਼ਨ ਪ੍ਰਕਿਰਿਆ ਪ੍ਰਭਾਵਿਤ ਹੁੰਦੀ ਹੈ, ਜਿਸ ਨਾਲ ਨਜ਼ਦੀਕੀ ਦੌਰਾਨ ਅਸਹਿਜਤਾ ਮਹਿਸੂਸ ਹੋ ਸਕਦੀ ਹੈ ਅਤੇ ਇੱਛਾ ਵਿਚ ਕਮੀ ਆ ਸਕਦੀ ਹੈ।
ਸਰੀਰ ਵਿਚ ਹੁੰਦੇ ਹਨ ਬਦਲਾਅ
ਇਸ ਦੇ ਨਾਲ ਹੀ ਸਰੀਰ ਵਿਚ ਆਏ ਬਦਲਾਅ ਵੀ ਔਰਤਾਂ ਦੇ ਆਤਮ-ਵਿਸ਼ਵਾਸ ਨੂੰ ਪ੍ਰਭਾਵਿਤ ਕਰਦੇ ਹਨ। ਪ੍ਰੈਗਨੈਂਸੀ ਤੋਂ ਬਾਅਦ ਵਜ਼ਨ ਵਧਣਾ, ਸਟ੍ਰੈਚ ਮਾਰਕਸ ਜਾਂ ਸਰੀਰ ਦੇ ਆਕਾਰ ਵਿਚ ਬਦਲਾਅ ਕਈ ਵਾਰ ਔਰਤਾਂ ਨੂੰ ਅਸਹਿਜ ਮਹਿਸੂਸ ਕਰਾਉਂਦੇ ਹਨ। ਇਸ ਨਾਲ ਉਨ੍ਹਾਂ ਦੀ ਬਾਡੀ ਇਮੇਜ ’ਤੇ ਅਸਰ ਪੈਂਦਾ ਹੈ ਅਤੇ ਉਹ ਖ਼ੁਦ ਨੂੰ ਪਹਿਲਾਂ ਵਰਗਾ ਆਕਰਸ਼ਕ ਨਹੀਂ ਮੰਨ ਪਾਉਂਦੀਆਂ, ਜਿਸ ਦਾ ਸਿੱਧਾ ਅਸਰ ਉਨ੍ਹਾਂ ਦੀ ਨਜ਼ਦੀਕੀ ’ਤੇ ਪੈਂਦਾ ਹੈ। ਹਾਲਾਂਕਿ ਮਾਹਿਰ ਸਾਫ਼ ਕਹਿੰਦੇ ਹਨ ਕਿ ਇਹ ਸਥਿਤੀ ਸਥਾਈ ਨਹੀਂ ਹੁੰਦੀ।
ਪਾਰਟਨਰ ਨਾਲ ਖੁੱਲ੍ਹ ਕੇ ਗੱਲ ਕਰਨਾ
ਸਹੀ ਸਮਾਂ, ਗੱਲਬਾਤ ਅਤੇ ਦੇਖਭਾਲ ਨਾਲ ਇਸਨੂੰ ਬਿਹਤਰ ਬਣਾਇਆ ਜਾ ਸਕਦਾ ਹੈ। ਪਾਰਟਨਰ ਨਾਲ ਖੁੱਲ੍ਹ ਕੇ ਗੱਲ ਕਰਨਾ, ਖ਼ੁਦ ਲਈ ਸਮਾਂ ਕੱਢਣਾ ਅਤੇ ਲੋੜ ਪੈਣ ’ਤੇ ਡਾਕਟਰ ਜਾਂ ਕਾਊਂਸਲਰ ਦੀ ਮਦਦ ਲੈਣਾ ਫ਼ਾਇਦੇਮੰਦ ਹੋ ਸਕਦਾ ਹੈ। ਸਭ ਤੋਂ ਜ਼ਰੂਰੀ ਗੱਲ ਇਹ ਹੈ ਕਿ ਹਰ ਔਰਤ ਦਾ ਸਰੀਰ ਵੱਖਰਾ ਹੁੰਦਾ ਹੈ ਅਤੇ ਡਿਲਿਵਰੀ ਤੋਂ ਬਾਅਦ ਉਸ ਵਿਚ ਬਦਲਾਅ ਆਉਣਾ ਪੂਰੀ ਤਰ੍ਹਾਂ ਆਮ ਹੈ। ਇਹੋ ਜਿਹੇ ਵਿਚ ਖ਼ੁਦ ਨੂੰ ਸਮਾਂ ਦੇਣਾ ਅਤੇ ਆਪਣੇ ਸਰੀਰ ਨੂੰ ਸਵੀਕਾਰ ਕਰਨਾ ਹੀ ਇਸ ਦੌਰ ਵਿੱਚੋਂ ਬਾਹਰ ਨਿਕਲਣ ਦਾ ਸਭ ਤੋਂ ਬਿਹਤਰ ਤਰੀਕਾ ਮੰਨਿਆ ਜਾਂਦਾ ਹੈ।
EDITED BY- HARLEEN KAUR
