ਮਿਹਨਤ ਨਾਲ ਕਮਾਏ ਪੈਸਿਆਂ ਵਿੱਚੋਂ ਜੇ ਇੱਕ ਰੁਪਏ ਦਾ ਵੀ ਨੁਕਸਾਨ ਹੋ ਜਾਵੇ ਤਾਂ ਇਨਸਾਨ ਨੂੰ ਬਹੁਤ ਦੁੱਖ ਹੁੰਦਾ ਹੈ ਪਰ ਜੇ ਬਿਨਾਂ ਕਿਸੇ ਕਾਰਨ ਲੱਖਾਂ ਰੁਪਏ ਬਰਬਾਦ ਹੋ ਜਾਣ ਤਾਂ ਇਹ ਕਿਸੇ ਸਦਮੇ ਤੋਂ ਘੱਟ ਨਹੀਂ। ਰਾਜਸਥਾਨ ਤੋਂ ਅਜਿਹਾ ਹੀ ਦੁਖਦਾਈ ਮਾਮਲਾ ਸਾਹਮਣੇ ਆਇਆ ਹੈ। ਰਾਜਸਥਾਨ ਦੇ ਬਾਲੋਤਰਾ ਜ਼ਿਲ੍ਹੇ ਦੇ ਇੱਕ ਕਿਸਾਨ ਨੂੰ 5 ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਹੈ, ਜਿਸ ਕਾਰਨ ਉਹ ਸਦਮੇ ਵਿੱਚ ਹੈ।
ਇਹ ਮਾਮਲਾ ਪਚਪਦਰਾ ਨੇੜੇ ਨੇਵਾਈ ਪਿੰਡ ਦਾ ਹੈ। ਇੱਥੇ ਰਹਿਣ ਵਾਲੇ ਕਿਸਾਨ ਮਾਂਗੀਲਾਲ ਮੇਘਵਾਲ ਦੇ ਸੰਦੂਕ ਵਿੱਚ ਲੁਕਾ ਕੇ ਰੱਖੇ 5 ਲੱਖ ਰੁਪਏ ਸਿਉਂਕ ਨੇ ਖਾ ਲਏ। ਮਾਂਗੀਲਾਲ ਦੀ ਗਲਤੀ ਸਿਰਫ਼ ਇਹ ਸੀ ਕਿ ਉਸ ਨੇ ਪੈਸੇ ਬੈਂਕ ਵਿੱਚ ਜਮ੍ਹਾਂ ਕਰਵਾਉਣ ਦੀ ਬਜਾਏ ਆਪਣੇ ਕੋਲ ਰੱਖੇ ਅਤੇ ਉਹ ਵੀ ਇੱਕ ਸੰਦੂਕ ਵਿੱਚ ਪਾ ਕੇ ਮਿੱਟੀ ਹੇਠਾਂ ਦੱਬ ਦਿੱਤੇ।
ਦਰਅਸਲ, ਮਾਂਗੀਲਾਲ ਨੂੰ ਕਰੀਬ ਇੱਕ ਸਾਲ ਪਹਿਲਾਂ ਆਪਣੀ ਜ਼ਮੀਨ ਦਾ ਇੱਕ ਟੁਕੜਾ ਵੇਚਣ ਤੋਂ 5 ਲੱਖ ਰੁਪਏ ਮਿਲੇ ਸਨ। ਚੋਰੀ ਦੇ ਡਰ ਅਤੇ ਇਸ ਚਿੰਤਾ ਕਾਰਨ ਕਿ ਕਿਤੇ ਉਸ ਦੇ ਪੁੱਤਰ ਇਹ ਪੈਸੇ ਖਰਚ ਨਾ ਕਰ ਦੇਣ, ਉਸ ਨੇ ਨਕਦੀ ਨੂੰ ਘਰ ਵਿੱਚ ਰੱਖਣ ਦੀ ਬਜਾਏ ਖੇਤ ਵਿੱਚ ਲੁਕਾਉਣ ਦਾ ਫੈਸਲਾ ਕੀਤਾ।
ਪਰ ਇਹੀ ਫੈਸਲਾ ਉਸ ਲਈ ਸਭ ਤੋਂ ਵੱਡੀ ਭੁੱਲ ਸਾਬਤ ਹੋਇਆ। ਇੱਕ ਸਾਲ ਬਾਅਦ ਜਦੋਂ ਉਸ ਨੇ ਸੰਦੂਕ ਖੋਲ੍ਹਿਆ ਤਾਂ ਸਿਉਂਕ ਨੇ ਨੋਟਾਂ ਨੂੰ ਬੁਰੀ ਤਰ੍ਹਾਂ ਨੁਕਸਾਨ ਪਹੁੰਚਾ ਦਿੱਤਾ ਸੀ।
EDITED BY- HARLEEN KAUR
