ਚੰਡੀਗੜ੍ਹ ਅਤੇ ਅੰਮ੍ਰਿਤਸਰ ਹਵਾਈ ਅੱਡਿਆਂ ‘ਤੇ ਫਲਾਈਟਾਂ ‘ਚ ਦੇਰੀ

ਚੰਡੀਗੜ੍ਹ ਅਤੇ ਅੰਮ੍ਰਿਤਸਰ ਹਵਾਈ ਅੱਡਿਆਂ ‘ਤੇ ਵੀਰਵਾਰ ਸਵੇਰੇ ਵੀ ਚੇਨ-ਇਨ ਸਿਸਟਮ ਵਿੱਚ ਖਰਾਬੀ ਦੇਖਣ ਨੂੰ ਮਿਲੀ। ਇਸ ਕਰਕੇ ਚੰਡੀਗੜ੍ਹ ਹਵਾਈ ਅੱਡੇ ਤੋਂ ਕਈ ਉਡਾਣਾਂ ਦੇਰੀ ਨਾਲ ਰਵਾਨਾ ਹੋਈਆਂ। ਇੰਡੀਗੋ ਦੀਆਂ ਉਡਾਣਾਂ ਸਭ ਤੋਂ ਵੱਧ ਪ੍ਰਭਾਵਿਤ ਹੋਈਆਂ। ਚੰਡੀਗੜ੍ਹ ਤੋਂ ਸਵੇਰੇ 11 ਵਜੇ ਤੱਕ ਸੱਤ ਉਡਾਣਾਂ ਪ੍ਰਭਾਵਿਤ ਹੋਈਆਂ।

ਇਨ੍ਹਾਂ ਉਡਾਣਾਂ ‘ਤੇ ਪਿਆ ਅਸਰ

ਚੰਡੀਗੜ੍ਹ ਤੋਂ ਮੁੰਬਈ ਜਾਣ ਵਾਲੀ ਉਡਾਣ ਸਵੇਰੇ 5:15 ਵਜੇ ਦੀ ਬਜਾਏ ਸਵੇਰੇ 8:05 ਵਜੇ ਰਵਾਨਾ ਹੋਈ।

ਇਸੇ ਤਰ੍ਹਾਂ ਚੰਡੀਗੜ੍ਹ ਤੋਂ ਦਿੱਲੀ ਜਾਣ ਵਾਲੀ 5:20 ਵਜੇ ਦੀ ਉਡਾਣ ਸਵੇਰੇ 8:20 ਵਜੇ ਰਵਾਨਾ ਹੋਈ।

ਲਖਨਊ ਜਾਣ ਵਾਲੀ 5:55 ਵਜੇ ਦੀ ਉਡਾਣ ਸਵੇਰੇ 6:13 ਵਜੇ ਰਵਾਨਾ ਹੋਈ।

ਚੰਡੀਗੜ੍ਹ ਤੋਂ ਹੈਦਰਾਬਾਦ ਜਾਣ ਵਾਲੀ 6:25 ਵਜੇ ਦੀ ਉਡਾਣ ਸਵੇਰੇ 9:15 ਵਜੇ ਰਵਾਨਾ ਹੋਈ।

ਪਟਨਾ ਜਾਣ ਵਾਲੀ 7:30 ਵਜੇ ਦੀ ਉਡਾਣ ਸਵੇਰੇ 8:17 ਵਜੇ ਰਵਾਨਾ ਹੋਈ।

ਚੰਡੀਗੜ੍ਹ ਤੋਂ ਜੈਪੁਰ ਜਾਣ ਵਾਲੀ 7:35 ਵਜੇ ਦੀ ਉਡਾਣ ਸਵੇਰੇ 8:01 ਵਜੇ ਰਵਾਨਾ ਹੋਈ।

ਚੰਡੀਗੜ੍ਹ ਤੋਂ ਬੰਗਲੁਰੂ ਜਾਣ ਵਾਲੀ 8:00 ਵਜੇ ਦੀ ਉਡਾਣ ਸਵੇਰੇ 9:55 ਵਜੇ ਰਵਾਨਾ ਹੋਈ।

ਅੰਮ੍ਰਿਤਸਰ ਦੇ ਸ੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਇੰਡੀਗੋ ਦੀਆਂ ਕਈ ਉਡਾਣਾਂ ਆਪਣੀ ਨਿਰਧਾਰਤ ਰਵਾਨਗੀ ਤੋਂ ਨਹੀਂ ਰਵਾਨਾ ਹੋਈ, ਜਿਸ ਕਰਕੇ ਯਾਤਰੀਆਂ ਨੂੰ ਕਾਫ਼ੀ ਪਰੇਸ਼ਾਨੀ ਹੋਈ। ਅੰਮ੍ਰਿਤਸਰ ਤੋਂ ਮੁੰਬਈ ਜਾਣ ਵਾਲੀ ਫਲਾਈਟ 6E278 ਸਮੇਂ ਸਿਰ ਨਹੀਂ ਉੱਡ ਸਕੀ ਅਤੇ ਅੰਮ੍ਰਿਤਸਰ-ਦਿੱਲੀ ਰੂਟ ‘ਤੇ ਫਲਾਈਟ 6E5215 ਅਤੇ 6E2506 ਵੀ ਨਹੀਂ ਉੱਡ ਸਕੀ।

EDITED BY- HARLEEN KAUR