ਪੰਜਾਬ ‘ਚ ਹੌਲੀ-ਹੌਲੀ ਠੰਡ ਦੇ ਰਹੀ ਦਸਤਕ, ਘੱਟ ਰਿਹਾ ਤਾਪਮਾਨ

ਪੰਜਾਬ ਦਾ ਤਾਪਮਾਨ ਹੌਲੀ-ਹੌਲੀ ਘੱਟ ਰਿਹਾ ਹੈ। 24 ਘੰਟਿਆਂ ਵਿੱਚ ਤਾਪਮਾਨ ਵਿੱਚ 0.1 ਡਿਗਰੀ ਦੀ ਕਟੌਤੀ ਦੇਖਣ ਨੂੰ ਮਿਲੀ। ਅੱਜ ਤਾਪਮਾਨ ਲਗਭਗ 2 ਡਿਗਰੀ ਤੱਕ ਘਟਣ ਦਾ ਅੰਦਾਜ਼ਾ ਹੈ। ਸਵੇਰੇ ਅਤੇ ਰਾਤ ਨੂੰ ਠੰਡੀ ਰਹੇਗੀ, ਪਰ ਦੁਪਹਿਰ ਵਿੱਚ ਧੁੱਪ ਨਾਲ ਹਲਕੀ ਗਰਮੀ ਮਹਿਸੂਸ ਹੋ ਸਕਦੀ ਹੈ। ਮੌਸਮ ਸੁੱਕਾ ਬਣਿਆ ਰਹਿ ਸਕਦਾ ਹੈ।

ਇਸ ਦੇ ਨਾਲ-ਨਾਲ ਵਾਯੂਮੰਡਲ ਵਿੱਚ ਬਣ ਰਹੀ ਦਬਾਅ ਕਾਰਨ ਏਅਰ ਲਾਕ ਦੀ ਸਥਿਤੀ ਬਣ ਰਹੀ ਹੈ, ਜਿਸਦੇ ਕਾਰਨ ਪ੍ਰਦੂਸ਼ਣ ਲੋਕਾਂ ਦੀਆਂ ਸਾਹਾਂ ਨੂੰ ਘੋਂਟ ਰਿਹਾ ਹੈ। ਪਿਛਲੇ 24 ਘੰਟਿਆਂ ਵਿੱਚ ਕਈ ਸ਼ਹਿਰਾਂ ਵਿੱਚ ਵੱਧ ਤੋਂ ਵੱਧ ਪ੍ਰਦੂਸ਼ਣ ਦਾ ਸਤਰ ਏਅਰ ਕੁਆਲਿਟੀ ਇੰਡੈਕਸ (AQI) 500 ਤੋਂ ਵੱਧ ਦਰਜ ਕੀਤਾ ਗਿਆ।

ਰੂਪਨਗਰ ਵਿੱਚ ਏਅਰ ਕੁਆਲਿਟੀ ਇੰਡੈਕਸ (AQI) 500 ਅਤੇ ਜਲੰਧਰ ਵਿੱਚ 439 ਦਰਜ ਕੀਤਾ ਗਿਆ। ਬਠਿੰਡਾ ਅਤੇ ਲੁਧਿਆਣਾ ਉਹ ਦੋ ਸ਼ਹਿਰ ਹਨ, ਜਿੱਥੇ ਔਸਤ AQI 200 ਤੋਂ ਉਪਰ ਦਰਜ ਕੀਤਾ ਜਾ ਰਿਹਾ ਹੈ। ਸਾਰੇ ਸ਼ਹਿਰਾਂ ਦਾ AQI 100 ਤੋਂ ਉਪਰ ਜਾ ਰਿਹਾ ਹੈ। ਇਸ ਦੌਰਾਨ, ਐਤਵਾਰ ਨੂੰ ਪੰਜਾਬ ਦਾ ਔਸਤ AQI 156 ਰਿਹਾ। ਸਾਹ ਦੀ ਬਿਮਾਰੀ ਵਾਲੇ ਮਰੀਜ਼ਾਂ ਨੂੰ ਵਧੇਰੇ ਸਾਵਧਾਨ ਰਹਿਣ ਦੀ ਲੋੜ ਹੈ।

ਪੰਜਾਬ ਦੇ ਪ੍ਰਮੁੱਖ ਸ਼ਹਿਰਾਂ ਦਾ ਤਾਪਮਾਨ:

ਅੰਮ੍ਰਿਤਸਰ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 29°C ਅਤੇ ਘੱਟ ਤੋਂ ਘੱਟ 17°C ਰਹੇਗਾ, ਮੌਸਮ ਸਾਫ਼ ਅਤੇ ਧੁੱਪ ਖਿੱਲੀ ਰਹੇਗੀ।

ਜਲੰਧਰ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 29°C ਅਤੇ ਘੱਟ ਤੋਂ ਘੱਟ 17°C ਰਹੇਗਾ, ਮੌਸਮ ਸਾਫ਼ ਅਤੇ ਹਲਕੀ ਧੁੱਪ ਰਹੇਗੀ।

ਲੁਧਿਆਣਾ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 30°C ਅਤੇ ਘੱਟ ਤੋਂ ਘੱਟ 16°C ਰਹੇਗਾ, ਧੁੱਪ ਰਹੇਗੀ।

ਪਟਿਆਲਾ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 30°C ਅਤੇ ਘੱਟ ਤੋਂ ਘੱਟ 16°C ਰਹੇਗਾ, ਮੌਸਮ ਸਾਫ਼ ਰਹੇਗਾ।

ਮੋਹਾਲੀ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 30°C ਅਤੇ ਘੱਟ ਤੋਂ ਘੱਟ 20°C ਰਹੇਗਾ, ਮੌਸਮ ਸਾਫ਼ ਅਤੇ ਸੁੱਕਾ ਰਹੇਗਾ।

EDITED BY- HARLEEN KAUR