ਪੰਜਾਬ ‘ਚ ਨਸ਼ਾ ਤਸਕਰਾਂ ‘ਤੇ ਸਭ ਤੋਂ ਵੱਡਾ ਸ਼ਿਕੰਜਾ

ਸਿਰਫ਼ ਹੈਰੋਇਨ ਹੀ ਨਹੀਂ, ਹੋਰ ਨਸ਼ੀਲੇ ਪਦਾਰਥਾਂ ਦੀ ਬਰਾਮਦਗੀ ਵਿੱਚ ਵੀ ਵੱਡੀ ਛਾਲ ਵੇਖਣ ਨੂੰ ਮਿਲੀ ਹੈ। ਭੁੱਕੀ ਦੀ ਬਰਾਮਦਗੀ 170 ਕਿਲੋਗ੍ਰਾਮ ਤੋਂ ਵੱਧ ਕੇ 452 ਕਿਲੋਗ੍ਰਾਮ ਤੱਕ ਪਹੁੰਚ ਗਈ, ਜਦਕਿ ਅਫ਼ੀਮ ਦੀ ਬਰਾਮਦਗੀ ਵੀ 6.845 ਕਿਲੋਗ੍ਰਾਮ ਤੋਂ ਵੱਧ ਕੇ 11.517 ਕਿਲੋਗ੍ਰਾਮ ਹੋ ਗਈ। ਨਸ਼ੀਲੀਆਂ ਗੋਲੀਆਂ ਅਤੇ ਕੈਪਸੂਲਾਂ ਦੀ ਗਿਣਤੀ ਵੀ ਹੈਰਾਨ ਕਰਨ ਵਾਲੀ ਰਹੀ। ਪਹਿਲਾਂ ਜਿੱਥੇ 38 ਹਜ਼ਾਰ ਤੋਂ ਕੁਝ ਵੱਧ ਗੋਲੀਆਂ ਅਤੇ ਕੈਪਸੂਲ ਬਰਾਮਦ ਹੋਏ ਸਨ, ਹੁਣ ਇਹ ਗਿਣਤੀ 72 ਹਜ਼ਾਰ ਤੋਂ ਪਾਰ ਚਲੀ ਗਈ ਹੈ। ਇਸ ਤੋਂ ਸਾਫ਼ ਹੈ ਕਿ ਪੁਲਿਸ ਨੇ ਹੁਣ ਸਿਰਫ਼ ਛੋਟੇ ਤਸਕਰਾਂ ਹੀ ਨਹੀਂ, ਸਗੋਂ ਵੱਡੇ ਅਤੇ ਸੰਗਠਿਤ ਨਸ਼ਾ ਜਾਲਾਂ ‘ਤੇ ਵੀ ਨਜ਼ਰ ਟਿਕਾ ਲਈ ਹੈ।