ਹਰਿਆਣਾ ਦੇ ਨੂਹ ਜ਼ਿਲ੍ਹੇ ਵਿਚ ਵੀਰਵਾਰ ਸਵੇਰੇ ਲਗਭਗ 4 ਵਜੇ ਸਿਲਾਨੀ ਪਿੰਡ ਵਿਚ ਫਿਰੋਜ਼ਪੁਰ ਝਿਰਕਾ ਸੀਐਸ ਸਟਾਫ਼ ਨੇ ਵਾਂਛਿਤ ਅਪਰਾਧੀ ਸ਼ਾਹਿਦ ਉਰਫ਼ ਆਡਵਾਣੀ ਪੁੱਤਰ ਜੁੰਮੇ ਖਾਂ ਨੂੰ ਮਾਰ ਗਿਰਾਇਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਜਦੋਂ ਸ਼ਾਹਿਦ ਦਾ ਪਿੱਛਾ ਕੀਤਾ ਜਾ ਰਿਹਾ ਸੀ, ਤਾਂ ਉਸਨੇ ਟੀਮ ਉੱਤੇ ਫਾਇਰਿੰਗ ਕਰ ਦਿੱਤੀ। ਇਸਦੇ ਜਵਾਬੀ ਕਾਰਵਾਈ ਵਿਚ ਸੀਐਮ ਸਟਾਫ਼ ਨੇ ਫਾਇਰਿੰਗ ਕੀਤੀ, ਜਿਸ ਵਿਚ ਗੋਲੀ ਲੱਗਣ ਨਾਲ ਸ਼ਾਹਿਦ ਜ਼ਖ਼ਮੀ ਹੋ ਗਿਆ। ਜ਼ਖ਼ਮੀ ਹਾਲਤ ਵਿਚ ਉਸਨੂੰ ਸੋਹਨਾ ਦੇ ਸਰਕਾਰੀ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ, ਜਿੱਥੇ ਉਸਦੀ ਮੌਤ ਹੋ ਗਈ।
ਮ੍ਰਿਤਕ ਸ਼ਾਹਿਦ ਦੀ ਲਾਸ਼ ਨੂੰ ਸੋਹਨਾ ਮੋਰਚਰੀ ਵਿਚ ਰੱਖਿਆ ਗਿਆ ਹੈ। ਸ਼ਾਹਿਦ ਖੜਖੜੀ, ਤਾਵਡੂ ਦਾ ਰਹਿਣ ਵਾਲਾ ਸੀ। ਮੌਕੇ ’ਤੇ ਥਾਣਾ ਪ੍ਰਬੰਧਕ ਰੋਜਕਾਮੇਵ ਅਤੇ ਹੋਰ ਅਧਿਕਾਰੀ ਮੌਜੂਦ ਹਨ। ਉੱਥੇ ਹੀ ਸਿਲਾਨੀ ਪਿੰਡ ਵਿਚ ਸ਼ਾਂਤੀਪੂਰਨ ਮਾਹੌਲ ਹੈ। ਮ੍ਰਿਤਕ ਸ਼ਾਹਿਦ ਉਰਫ਼ ਆਡਵਾਣੀ ਸ਼ਾਤਿਰ ਵਾਂਛਿਤ ਅਪਰਾਧੀ ਸੀ। ਉਸ ਉੱਤੇ ਗਊ-ਤਸਕਰੀ ਦੇ ਕਈ ਮੁਕੱਦਮੇ ਦਰਜ ਸਨ। ਉਹ ਪਹਿਲਾਂ ਇਕ ਵਾਰ ਪੁਲਸ ਦੀ ਹਿਰਾਸਤ ਵਿੱਚੋਂ ਭੱਜ ਚੁੱਕਾ ਸੀ।
EDITED BY- HARLEEN KAUR
