ਸਿਆਸੀ ਜਗਤ ਤੋਂ ਵੱਡੀ ਖ਼ਬਰ ਸਾਹਮਣੇ ਆਈ ਹੈ, ਜਿਸ ਨਾਲ ਸਿਆਸਤਦਾਨਾਂ ਵਿੱਚ ਖਲਬਲੀ ਮੱਚ ਗਈ ਹੈ। ਦਰਅਸਲ, 20 ਤੋਂ 22 ਵਿਧਾਇਕਾਂ ਦੇ ਪਾਰਟੀ ਛੱਡਣ ਨੂੰ ਲੈ ਕੇ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ। ਅਸਲ ਵਿੱਚ ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ ਦੇ ਅੰਦਰ ਅੰਦਰੂਨੀ ਕਲੇਸ਼ ਦੇ ਸੰਕੇਤ ਮਿਲ ਰਹੇ ਹਨ।
ਸ਼ਿਵ ਸੈਨਾ ਦੇ ਰਾਜ ਸਭਾ ਮੈਂਬਰ ਸੰਜੇ ਰਾਉਤ ਨੇ ਦਾਅਵਾ ਕੀਤਾ ਕਿ ਸੁਨੇਤਰਾ ਪਵਾਰ ਦੇ ਧੜੇ ਨਾਲ ਜੁੜੇ 20 ਤੋਂ 22 ਵਿਧਾਇਕ ਕਿਸੇ ਵੀ ਸਮੇਂ ਪਾਰਟੀ ਛੱਡ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਵਿਧਾਇਕ ਹੁਣ ਪਾਰਟੀ ਛੱਡਣ ਦੇ ਇਰਾਦੇ ਵਿੱਚ ਹਨ। ਰਾਉਤ ਨੇ ਇਹ ਵੀ ਕਿਹਾ ਕਿ ਇਹ ਵਿਧਾਇਕ ਸ਼ਰਦ ਪਵਾਰ ਨਾਲ ਮਿਲ ਰਹੇ ਹਨ ਅਤੇ ਉਹ ਸਿਰਫ਼ ਗੱਪਾਂ ਮਾਰਨ ਲਈ ਨਹੀਂ ਮਿਲ ਰਹੇ ਹਨ।
ਸੰਜੇ ਰਾਉਤ ਨੇ ਕਿਹਾ, “ਜਿਵੇਂ ਕਿ ਮੈਂ ਪਹਿਲਾਂ ਦੱਸਿਆ ਸੀ ਕਿ ਸੁਨੇਤਰਾ ਤਾਈ ਪਵਾਰ ਦਾ ਜੋ ਪੱਖ ਹੈ, ਯਾਨੀ ਅਮਿਤ ਸ਼ਾਹ ਦਾ ਪੱਖ ਹੈ, ਰਾਸ਼ਟਰਵਾਦੀ ਕਾਂਗਰਸ ਦੇ 20 ਤੋਂ 22 ਵਿਧਾਇਕ ਕਿਸੇ ਵੀ ਸਮੇਂ ਬਾਹਰ ਨਿਕਲ ਜਾਣਗੇ। ਇਹ ਮੈਂ ਵਾਰ-ਵਾਰ ਕਹਿੰਦਾ ਹਾਂ। 20 ਤੋਂ 22 ਵਿਧਾਇਕ ਬਾਹਰ ਨਿਕਲਣ ਦੀ ਸੋਚ ਵਿੱਚ ਹਨ।”
ਉਨ੍ਹਾਂ ਨੇ ਵਿਧਾਇਕਾਂ ਦੀ ਸ਼ਰਦ ਪਵਾਰ ਨਾਲ ਹੋ ਰਹੀਆਂ ਮੀਟਿੰਗਾਂ ਦਾ ਵੀ ਜ਼ਿਕਰ ਕੀਤਾ। ਸੰਜੇ ਰਾਉਤ ਦੇ ਅਨੁਸਾਰ, ਇਹ ਮੀਟਿੰਗਾਂ ਸਿਰਫ਼ ਆਮ ਚਰਚਾਵਾਂ ਲਈ ਨਹੀਂ, ਸਗੋਂ ਰਾਜਨੀਤਿਕ ਕਾਰਨਾਂ ਕਰਕੇ ਹੋ ਰਹੀਆਂ ਹਨ।
