ਨਿੰਬੂ ਪਾਣੀ ‘ਚ ਭੁੱਲ ਕੇ ਵੀ ਨਾ ਪਾਓ ਇਹ ਚੀਜ਼

ਬਿਨਾਂ ਚੀਨੀ ਵਾਲਾ ਨਿੰਬੂ ਪਾਣੀ ਭਾਰਤੀ ਘਰਾਂ ਵਿੱਚ ਲੰਬੇ ਸਮੇਂ ਤੋਂ ਵਰਤਿਆ ਜਾਂਦਾ ਆ ਰਿਹਾ ਹੈ। ਰਵਾਇਤੀ ਨਿੰਬੂ ਪਾਣੀ ਵਿੱਚ ਅਕਸਰ ਕਾਲਾ ਨਮਕ, ਸੇਂਧਾ ਨਮਕ ਜਾਂ ਭੁੰਨਿਆ ਜੀਰਾ ਮਿਲਾਇਆ ਜਾਂਦਾ ਹੈ। ਇਹ ਮਿਸ਼ਰਣ ਸਰੀਰ ਨੂੰ ਹਾਈਡ੍ਰੇਟ ਰੱਖਣ ਦੇ ਨਾਲ-ਨਾਲ ਜ਼ਰੂਰੀ ਇਲੈਕਟ੍ਰੋਲਾਈਟਸ ਦੀ ਪੂਰਤੀ ਕਰਨ ਵਿੱਚ ਮਦਦ ਕਰਦਾ ਹੈ। ਖਾਸ ਕਰਕੇ ਗਰਮੀ ਅਤੇ ਉਮਸ ਵਾਲੇ ਦਿਨਾਂ ਵਿੱਚ ਇਹ ਪੇਅ ਕਾਫ਼ੀ ਰਾਹਤ ਦਿੰਦਾ ਹੈ।

ਆਯੁਰਵੇਦ ਵਿੱਚ ਵੀ ਨਿੰਬੂ ਨੂੰ ਮਹੱਤਵਪੂਰਨ ਮੰਨਿਆ ਗਿਆ ਹੈ। ਕਈ ਲੋਕ ਸਵੇਰੇ ਖਾਲੀ ਪੇਟ ਕੋਸੇ ਪਾਣੀ ਵਿੱਚ ਨਿੰਬੂ ਮਿਲਾ ਕੇ ਪੀਂਦੇ ਹਨ। ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਪਾਚਨ ਕਿਰਿਆ ਨੂੰ ਸਰਗਰਮ ਕਰਨ, ਸਰੀਰ ਨੂੰ ਤਾਜ਼ਗੀ ਦੇਣ ਅਤੇ ਦਿਨ ਦੀ ਸ਼ੁਰੂਆਤ ਬਿਹਤਰ ਢੰਗ ਨਾਲ ਕਰਨ ਵਿੱਚ ਮਦਦ ਮਿਲਦੀ ਹੈ। ਨਿੰਬੂ ਵਿੱਚ ਮੌਜੂਦ ਵਿਟਾਮਿਨ-ਸੀ ਸਰੀਰ ਦੀ ਰੋਗ-ਪ੍ਰਤੀਰੋਧਕ ਸਮਰੱਥਾ ਨੂੰ ਮਜ਼ਬੂਤ ਬਣਾਉਣ ਵਿੱਚ ਵੀ ਅਹਿਮ ਭੂਮਿਕਾ ਨਿਭਾਉਂਦਾ ਹੈ।

 ਚੀਨੀ ਮਿਲਾਉਣ ਨਾਲ ਕੀ ਨੁਕਸਾਨ ਹੋ ਸਕਦਾ ਹੈ?

ਰਿਪੋਰਟਾਂ ਮੁਤਾਬਕ ਜਦੋਂ ਨਿੰਬੂ ਪਾਣੀ ਵਿੱਚ ਜ਼ਿਆਦਾ ਚੀਨੀ ਮਿਲਾਈ ਜਾਂਦੀ ਹੈ ਤਾਂ ਇਸ ਦੀ ਕੈਲੋਰੀ ਵੱਧ ਜਾਂਦੀ ਹੈ। ਨਿਯਮਿਤ ਤੌਰ ‘ਤੇ ਵੱਧ ਚੀਨੀ ਦਾ ਸੇਵਨ ਕਰਨ ਨਾਲ ਭਾਰ ਵਧਣਾ, ਬਲੱਡ ਸ਼ੂਗਰ ਲੈਵਲ ਪ੍ਰਭਾਵਿਤ ਹੋਣਾ ਅਤੇ ਹੋਰ ਸਿਹਤ ਸੰਬੰਧੀ ਸਮੱਸਿਆਵਾਂ ਦਾ ਖ਼ਤਰਾ ਵੱਧ ਸਕਦਾ ਹੈ। ਇਸੇ ਕਾਰਨ ਅੱਜ ਕੱਲ੍ਹ ਕਈ ਹੈਲਥ ਅਤੇ ਡਾਇਟ ਮਾਹਿਰ ਨਿੰਬੂ ਪਾਣੀ ਨੂੰ ਬਿਨਾਂ ਚੀਨੀ ਜਾਂ ਘੱਟ ਚੀਨੀ ਨਾਲ ਪੀਣ ਦੀ ਸਲਾਹ ਦਿੰਦੇ ਹਨ।

ਸਵਾਦ ਵਧਾਉਣ ਲਈ ਕੀ ਕਰੀਏ?

ਜੇਕਰ ਤੁਸੀਂ ਨਿੰਬੂ ਪਾਣੀ ਦਾ ਸਵਾਦ ਵਧਾਉਣਾ ਚਾਹੁੰਦੇ ਹੋ ਤਾਂ ਚੀਨੀ ਦੀ ਥਾਂ ਪੁਦੀਨੇ ਦੇ ਪੱਤੇ, ਕਾਲਾ ਨਮਕ, ਸੇਂਧਾ ਨਮਕ ਜਾਂ ਭੁੰਨਿਆ ਜੀਰਾ ਵਰਤ ਸਕਦੇ ਹੋ। ਇਸ ਨਾਲ ਸਵਾਦ ਵੀ ਬਿਹਤਰ ਹੋਵੇਗਾ ਅਤੇ ਪੇਅ ਦੀ ਪੌਸ਼ਟਿਕਤਾ ਵੀ ਬਰਕਰਾਰ ਰਹੇਗੀ।

EDITED BY- HARLEEN KAUR