ਪੀਐਮ ਕਿਸਾਨ ਯੋਜਨਾ ਦੀ 23ਵੀਂ ਕਿਸਤ ਰਾਹੀਂ ਕਿਸਾਨਾਂ ਦੇ ਖਾਤੇ ਵਿਚ 2000 ਰੁਪਏ ਟ੍ਰਾਂਸਫਰ ਕੀਤੇ ਜਾ ਚੁੱਕੇ ਹਨ। ਇਹ ਕਿਸਤ 20 ਜੂਨ 2026 ਨੂੰ ਉਨ੍ਹਾਂ ਦੇ ਖਾਤੇ ਵਿਚ ਭੇਜੀ ਗਈ ਸੀ। ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਯੋਜਨਾ ਦੀ 24ਵੀਂ ਕਿਸਤ ਦਾ ਹੁਣ ਕਿਸਾਨਾਂ ਨੂੰ ਇੰਤਜ਼ਾਰ ਹੈ। ਹੁਣ ਅਗਲੀ ਕਿਸਤ ਨਾਲ ਜੁੜੀ ਨਵੀਂ ਅੱਪਡੇਟ ਸਾਹਮਣੇ ਆਈ ਹੈ। ਕਿਸਾਨ ਸਨਮਾਨ ਨਿਧੀ ਯੋਜਨਾ ਦੀਆਂ ਕਿਸਤਾਂ ਨੂੰ ਲਗਭਗ ਹਰ 4 ਮਹੀਨਿਆਂ ਬਾਅਦ ਭੇਜਿਆ ਜਾਂਦਾ ਹੈ।
ਪੀਐਮ ਕਿਸਾਨ ਸਨਮਾਨ ਨਿਧੀ ਯੋਜਨਾ ਦੀ ਕਿਸਤ ਦੀ ਤਾਰੀਖ਼ ਹਰ ਵਾਰ ਸਰਕਾਰ ਵੱਲੋਂ ਦੱਸੀ ਜਾਂਦੀ ਹੈ। ਸਰਕਾਰ ਇਸ ਲਈ ਬਹੁਤ ਸਾਰੇ ਦਸਤਾਵੇਜ਼ ਵੀ ਜਮ੍ਹਾਂ ਕਰਵਾਉਂਦੀ ਹੈ ਤਾਂ ਜੋ ਸਹੀ ਅਤੇ ਯੋਗ ਕਿਸਾਨਾਂ ਨੂੰ ਹੀ ਇਸ ਦਾ ਲਾਭ ਮਿਲ ਸਕੇ। ਕਿਸਾਨਾਂ ਨੂੰ 24ਵੀਂ ਕਿਸਤ ਕਿਸ ਤਾਰੀਖ਼ ਨੂੰ ਮਿਲ ਸਕਦੀ ਹੈ, ਇਹ ਦੱਸਦੇ ਹਾਂ। ਨਾਲ ਹੀ, ਇਸ ਲਈ ਕਿਹੜੇ ਦਸਤਾਵੇਜ਼ਾਂ ਦਾ ਹੋਣਾ ਜ਼ਰੂਰੀ ਹੈ, ਇਹ ਜ਼ਰੂਰ ਸਮਝ ਲਓ।
ਪੀਐਮ ਕਿਸਾਨ ਯੋਜਨਾ ਦੀ ਕਿਸਤ ਜੂਨ ਵਿੱਚ ਜਾਰੀ ਹੋਈ ਸੀ ਯਾਨੀ ਇਸ ਦੇ 4 ਮਹੀਨੇ ਬਾਅਦ ਹੀ ਅਕਤੂਬਰ ਦੇ ਮਹੀਨੇ ਵਿਚ 24ਵੀਂ ਪੀਐਮ ਕਿਸਾਨ ਕਿਸਤ ਜਾਰੀ ਹੋ ਸਕਦੀ ਹੈ। ਇਹ ਕਿਸਤ ਨਵਰਾਤਰੀ ਜਾਂ ਦਸਹਿਰਾ ਦੇ ਆਸ-ਪਾਸ ਵੀ ਜਾਰੀ ਕੀਤੀ ਜਾ ਸਕਦੀ ਹੈ। ਹਾਲਾਂਕਿ, ਸਰਕਾਰ ਨੇ ਇਸ ‘ਤੇ ਅਜੇ ਕੋਈ ਅਧਿਕਾਰਤ ਬਿਆਨ ਨਹੀਂ ਦਿੱਤਾ ਹੈ ਪਰ ਪਿਛਲੇ ਡੇਟਾ ਦੇ ਅਨੁਸਾਰ, ਸਰਕਾਰ ਤਿਉਹਾਰਾਂ ‘ਤੇ ਕਿਸਾਨ ਭਰਾਵਾਂ ਨੂੰ ਅਜਿਹੇ ਤੋਹਫ਼ੇ ਦਿੰਦੀ ਨਜ਼ਰ ਆਈ ਹੈ।
ਪੀਐਮ ਕਿਸਾਨ ਯੋਜਨਾ ਦਾ ਲਾਭ ਉਨ੍ਹਾਂ ਕਿਸਾਨਾਂ ਨੂੰ ਹੀ ਮਿਲਦਾ ਹੈ ਜੋ ਸਰਕਾਰ ਦੇ ਤੈਅ ਮਾਪਦੰਡਾਂ ‘ਤੇ ਖਰੇ ਉਤਰਦੇ ਹਨ। ਸਭ ਤੋਂ ਪਹਿਲਾਂ ਜਿਨ੍ਹਾਂ ਕਿਸਾਨਾਂ ਦੇ ਨਾਂ ‘ਤੇ ਖੇਤੀ ਜਾਂ ਜ਼ਮੀਨ ਦਰਜ ਹੈ, ਉਨ੍ਹਾਂ ਨੂੰ ਇਸ ਯੋਜਨਾ ਦੀ ਕਿਸਤ ਦਾ ਲਾਭ ਮਿਲਦਾ ਹੈ। ਜਿਨ੍ਹਾਂ ਦਾ ਆਧਾਰ ਅਤੇ ਬੈਂਕ ਖਾਤਾ ਲਿੰਕ ਹੈ, ਉਨ੍ਹਾਂ ਨੂੰ ਹੀ ਸਿਰਫ਼ ਪੈਸੇ ਦਿੱਤੇ ਜਾਣਗੇ। ਨਾਲ ਹੀ, ਜਿਨ੍ਹਾਂ ਕਿਸਾਨਾਂ ਨੇ ਈ-ਕੇਵਾਈਸੀ ਪੂਰੀ ਕੀਤੀ ਹੈ, ਉਹ ਇਸ ਯੋਜਨਾ ਦੇ ਪਾਤਰ ਹਨ। ਦੱਸ ਦੇਈਏ ਕਿ ਸਰਕਾਰ ਲਗਾਤਾਰ ਜਾਅਲੀ ਲਾਭਪਾਤਰੀਆਂ ਨੂੰ ਹਟਾਉਣ ਲਈ ਵੈਰੀਫਿਕੇਸ਼ਨ ਕਰ ਰਹੀ ਹੈ, ਅਜਿਹੇ ਵਿੱਚ ਇਨ੍ਹਾਂ ਕੰਮਾਂ ਨੂੰ ਪੂਰਾ ਕਰਨ ‘ਤੇ ਹੀ ਤੁਹਾਨੂੰ ਲਾਭ ਮਿਲ ਪਾਵੇਗਾ, ਨਹੀਂ ਤਾਂ ਤੁਸੀਂ ਅਗਲੀ ਕਿਸਤ ਤੋਂ ਖੁੰਝ ਵੀ ਸਕਦੇ ਹੋ।
ਸਰਕਾਰ ਇਸ ਯੋਜਨਾ ਦੇ ਤਹਿਤ ਕਰੋੜਾਂ ਕਿਸਾਨਾਂ ਨੂੰ ਸਿੱਧਾ ਲਾਭ ਪਹੁੰਚਾ ਰਹੀ ਹੈ। ਜੇਕਰ ਤੁਸੀਂ ਵੀ ਇਸ ਯੋਜਨਾ ਦਾ ਲਾਭ ਉਠਾਉਣਾ ਚਾਹੁੰਦੇ ਹੋ ਤਾਂ ਸਮੇਂ ਸਿਰ ਸਾਰੇ ਕੰਮ ਪੂਰੇ ਕਰ ਲਓ। ਜੇਕਰ ਅਗਲੀ ਕਿਸਤ ਤੁਹਾਡੇ ਖਾਤੇ ਵਿੱਚ ਨਹੀਂ ਆਉਂਦੀ ਹੈ ਤਾਂ ਪੀਐਮ ਕਿਸਾਨ ਪੋਰਟਲ ਜਾਂ ਐਪ ‘ਤੇ ਜਾ ਕੇ ਈ-ਮਿੱਤਰਾ ਚੈਟਬੋਟ ਤੋਂ ਜਾਣਕਾਰੀ ਹਾਸਲ ਕਰ ਸਕਦੇ ਹੋ। ਜਾਂ ਫਿਰ ਤੁਸੀਂ ਆਪਣੇ ਘਰ ਨੇੜੇ ਸੀਐਸਸੀ ਸੈਂਟਰ ‘ਤੇ ਬਾਇਓਮੈਟ੍ਰਿਕ ਈ-ਕੇਵਾਈਸੀ ਕਰ ਸਕਦੇ ਹੋ। ਨਾਲ ਹੀ, ਕਸਟਮਰ ਕੇਅਰ ਦੇ ਨੰਬਰ ‘ਤੇ ਜਾ ਕੇ ਮਦਦ ਲੈ ਸਕਦੇ ਹੋ।
EDITED BY- HARLEEN KAUR
