40 ‘ਚ ਵੀ 30 ਵਰਗੇ ਆਓਗੇ ਨਜ਼ਰ, ਝੁਰੜੀਆਂ ਘਟਾਉਣ ਦੇ ਆਸਾਨ ਤਰੀਕੇ
ਸਕਿਨ ਕੇਅਰ ਤੇ ਖੁਰਾਕ ਨਾਲ ਜਵਾਨੀ ਰੱਖੋ ਬਰਕਰਾਰ
ਉਮਰ ਵੱਧਣਾ ਇੱਕ ਕੁਦਰਤੀ ਪ੍ਰਕਿਰਿਆ ਹੈ ਜੋ ਲਗਾਤਾਰ ਚੱਲਦੀ ਰਹਿੰਦੀ ਹੈ। ਜਦੋਂ ਉਮਰ ਵੱਧਦੀ ਹੈ ਤਾਂ ਤਵੱਚਾ ‘ਤੇ ਇਸ ਦੇ ਅਸਰ ਦਿਖਣਾ ਵੀ ਸੁਭਾਵਿਕ ਹੈ। ਪਰ ਬਹੁਤ ਸਾਰੇ ਲੋਕ ਤਵੱਚਾ ਦੀ ਸਹੀ ਦੇਖਭਾਲ ਨਹੀਂ ਕਰਦੇ, ਜਿਸ ਕਾਰਨ ਸਕਿਨ ਲੋੜ ਤੋਂ ਵੱਧ ਬੁੱਢੀ ਦਿਸਣ ਲੱਗਦੀ ਹੈ।
ਤੁਸੀਂ ਕਈ ਲੋਕਾਂ ਨੂੰ ਵੇਖਿਆ ਹੋਵੇਗਾ ਜਿਨ੍ਹਾਂ ਦਾ ਖਾਣ-ਪੀਣ ਅਤੇ ਲਾਈਫਸਟਾਈਲ ਚੰਗੀ ਹੁੰਦੀ ਹੈ, ਤਾਂ ਲੋਕ ਉਨ੍ਹਾਂ ਨੂੰ ਕਹਿੰਦੇ ਹਨ ਕਿ ਤੁਹਾਡੀ ਤਵੱਚਾ ਤੋਂ ਤਾਂ ਉਮਰ ਦਾ ਪਤਾ ਹੀ ਨਹੀਂ ਲੱਗਦਾ। ਦੂਜੇ ਪਾਸੇ ਕਈ ਲੋਕ ਅਜਿਹੇ ਵੀ ਹੁੰਦੇ ਹਨ ਜਿਨ੍ਹਾਂ ਦੀ ਉਮਰ ਘੱਟ ਹੋਣ ਦੇ ਬਾਵਜੂਦ ਲੋਕ ਉਨ੍ਹਾਂ ਨੂੰ ਅਕਸਰ ਆਂਟੀ ਕਹਿਣ ਲੱਗ ਪੈਂਦੇ ਹਨ।
ਇਸ ਲਈ ਇਹ ਗਲਤੀਆਂ ਨਾ ਕਰੋ ਅਤੇ ਸਮੇਂ ਤੋਂ ਪਹਿਲਾਂ ਹੀ ਸਹੀ ਸਕਿਨ ਕੇਅਰ ਅਤੇ ਖੁਰਾਕ ਨੂੰ ਆਪਣਾ ਲਓ। ਇਥੇ ਜਾਣੋ ਕਿ ਚਿਹਰੇ ‘ਤੇ ਕੀ ਲਗਾਉਣ ਨਾਲ ਅਤੇ ਕਿਹੜੀਆਂ ਚੀਜ਼ਾਂ ਖਾਣ ਨਾਲ ਤੁਸੀਂ 40 ਦੀ ਉਮਰ ‘ਚ ਵੀ 30 ਦੇ ਵਰਗੇ ਦਿਖ ਸਕਦੇ ਹੋ ਅਤੇ ਤਵੱਚਾ ‘ਤੇ ਝੁਰੜੀਆਂ (Wrinkles) ਵੀ ਜਲਦੀ ਨਹੀਂ ਪੈਣਗੀਆਂ।
ਜਵਾਨ ਦਿਖਣ ਲਈ ਚਿਹਰੇ ‘ਤੇ ਕੀ ਲਗਾਈਏ?
ਕੇਲੇ ਦਾ ਫੇਸ ਮਾਸਕ
ਝੁਰੜੀਆਂ ਘਟਾਉਣ ਲਈ ਤੁਸੀਂ ਕੇਲੇ ਦਾ ਫੇਸ ਮਾਸਕ ਲਗਾ ਸਕਦੇ ਹੋ। ਕੇਲੇ ਦਾ ਫੇਸ ਮਾਸਕ ਬਣਾਉਣ ਲਈ ਅੱਧਾ ਕੇਲਾ ਲੈ ਕੇ ਚੰਗੀ ਤਰ੍ਹਾਂ ਮੈਸ਼ ਕਰ ਲਓ। ਇਸ ਵਿੱਚ ਥੋੜ੍ਹਾ ਜਿਹਾ ਸ਼ਹਿਦ ਵੀ ਮਿਲਾਇਆ ਜਾ ਸਕਦਾ ਹੈ। ਇਹ ਤਿਆਰ ਮਾਸਕ ਚਿਹਰੇ ‘ਤੇ ਲਗਾਓ ਅਤੇ 10–15 ਮਿੰਟ ਲਈ ਛੱਡ ਦਿਓ। ਫਿਰ ਪਾਣੀ ਨਾਲ ਧੋ ਲਓ। ਇਸ ਨਾਲ ਤਵੱਚਾ ਨਿਖਰਦੀ ਹੈ ਅਤੇ ਚਮਕ ਆਉਂਦੀ ਹੈ।
ਅਰੰਡੀ ਦਾ ਤੇਲ
ਇਸ ਤੇਲ ਦੀਆਂ 2 ਤੋਂ 3 ਬੂੰਦਾਂ ਚਿਹਰੇ ‘ਤੇ ਮਲ ਕੇ ਲਗਾਈਆਂ ਜਾ ਸਕਦੀਆਂ ਹਨ। ਕੁਝ ਸਮਾਂ ਚਿਹਰੇ ‘ਤੇ ਲਗਾ ਕੇ ਰੱਖਣ ਤੋਂ ਬਾਅਦ ਇਸਨੂੰ ਧੋ ਕੇ ਹਟਾਇਆ ਜਾ ਸਕਦਾ ਹੈ। ਜੇ ਤੁਹਾਡੀ ਤਵੱਚਾ ਸੁੱਕੀ ਹੈ ਤਾਂ ਇਹ ਤੇਲ ਰਾਤ ਭਰ ਵੀ ਚਿਹਰੇ ‘ਤੇ ਲਗਾ ਕੇ ਰੱਖਿਆ ਜਾ ਸਕਦਾ ਹੈ।
ਦਹੀਂ ਅਤੇ ਹਲਦੀ ਦਾ ਫੇਸ ਮਾਸਕ
ਫੇਸ ਮਾਸਕ ਬਣਾਉਣ ਲਈ 2 ਚਮਚ ਦਹੀਂ ਵਿੱਚ ਇੱਕ ਚੁਟਕੀ ਹਲਦੀ ਮਿਲਾਓ। ਇਸ ਤਿਆਰ ਮਾਸਕ ਨੂੰ ਚਿਹਰੇ ‘ਤੇ ਲਗਾਓ ਅਤੇ 20 ਮਿੰਟ ਲਈ ਛੱਡ ਦਿਓ। ਫਿਰ ਪਾਣੀ ਨਾਲ ਧੋ ਲਓ। ਇਸ ਨਾਲ ਤਵੱਚਾ ਨੂੰ ਫਾਇਦੇਮੰਦ ਐਂਟੀ-ਆਕਸੀਡੈਂਟ ਮਿਲਦੇ ਹਨ, ਸਕਿਨ ਟਾਈਟ ਹੁੰਦੀ ਹੈ ਅਤੇ ਨਮੀ ਵੀ ਬਰਕਰਾਰ ਰਹਿੰਦੀ ਹੈ।
ਜਵਾਨ ਤਵੱਚਾ ਲਈ ਕਿਹੜੀਆਂ ਐਂਟੀ-ਏਜਿੰਗ ਚੀਜ਼ਾਂ ਖਾਣੀਆਂ ਚਾਹੀਦੀਆਂ ਹਨ?
ਗਾਜਰ ਐਂਟੀ-ਏਜਿੰਗ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ। ਗਾਜਰ ਖਾਣ ਨਾਲ ਤਵੱਚਾ ਨੂੰ ਬੀਟਾ ਕੈਰੋਟੀਨ, ਐਂਟੀ-ਆਕਸੀਡੈਂਟ ਅਤੇ ਕਈ ਹੋਰ ਪੋਸ਼ਕ ਤੱਤ ਮਿਲਦੇ ਹਨ, ਜੋ ਤਵੱਚਾ ਨੂੰ ਨੌਜਵਾਨ ਦਿਖਾਉਣ ਵਿੱਚ ਮਦਦ ਕਰਦੇ ਹਨ।
ਪਪੀਤਾ ਵੀ ਤਵੱਚਾ ਲਈ ਬਹੁਤ ਫਾਇਦੇਮੰਦ ਹੈ। ਪਪੀਤਾ ਵਿਟਾਮਿਨ C ਨਾਲ ਭਰਪੂਰ ਹੁੰਦਾ ਹੈ, ਜੋ ਤਵੱਚਾ ਨੂੰ ਨਿਖਾਰ ਦਿੰਦਾ ਹੈ ਤੇ ਬੁੱਢਾਪੇ ਦੇ ਅਸਰਾਂ ਨੂੰ ਘਟਾਉਂਦਾ ਹੈ।
ਸੁੱਕੇ ਮੇਵੇ ਜਿਵੇਂ ਕਿ ਬਦਾਮ, ਅਖਰੋਟ ਆਦਿ ਓਮੇਗਾ-3, ਕਾਪਰ, ਵਿਟਾਮਿਨ E ਅਤੇ ਹੈਲਦੀ ਫੈਟੀ ਐਸਿਡਸ ਦੇ ਵਧੀਆ ਸਰੋਤ ਹਨ। ਇਹ ਤਵੱਚਾ ਨੂੰ ਚਮਕਦਾਰ ਅਤੇ ਮਜ਼ਬੂਤ ਬਣਾਉਣ ਵਿੱਚ ਮਦਦ ਕਰਦੇ ਹਨ।
ਬੇਰੀਜ਼ ਜਿਵੇਂ ਸਟਰਾਬੇਰੀ, ਬਲੈਕਬੇਰੀ ਤੇ ਬਲੂਬੇਰੀ ਐਂਟੀ-ਆਕਸੀਡੈਂਟ ਨਾਲ ਭਰਪੂਰ ਹੁੰਦੀਆਂ ਹਨ। ਇਹ ਤਵੱਚਾ ਨੂੰ ਬੁੱਢਾਪੇ ਤੋਂ ਬਚਾਉਂਦੀਆਂ ਹਨ ਅਤੇ ਨਿਖਾਰ ਦਿੰਦੀਆਂ ਹਨ।
EDITED BY- HARLEEN KAUR
