ਭਾਰਤ ਵਿੱਚ ਧੂਮਰਪਾਨ ਕਰਨ ਵਾਲਿਆਂ ਲਈ ਇਹ ਇੱਕ ਵੱਡੀ ਖ਼ਬਰ ਹੈ। 1 ਫਰਵਰੀ 2026 ਤੋਂ ਸਿਗਰਟਾਂ ਦੀਆਂ ਕੀਮਤਾਂ ਵਧਣ ਜਾ ਰਹੀਆਂ ਹਨ। ਕੇਂਦਰ ਸਰਕਾਰ ਨੇ ਤੰਬਾਕੂ ਉਤਪਾਦਾਂ ‘ਤੇ ਨਵਾਂ ਟੈਕਸ ਲਗਾਉਣ ਦਾ ਕਾਰਨ ਵੀ ਸਪੱਸ਼ਟ ਕੀਤਾ ਹੈ। ਸਰਕਾਰ ਨੂੰ ਉਮੀਦ ਹੈ ਕਿ ਟੈਕਸ ਵਧਣ ਨਾਲ ਸਮੇਂ ਦੇ ਨਾਲ ਤੰਬਾਕੂ ਦੀ ਖਪਤ ਘਟੇਗੀ ਅਤੇ ਮਾਲੀਆ ਵੀ ਵਧੇਗਾ। ਇਸ ਫੈਸਲੇ ਤੋਂ ਬਾਅਦ ਸਿਗਰਟ ਬਣਾਉਣ ਵਾਲੀਆਂ ਕੰਪਨੀਆਂ ਦੇ ਸ਼ੇਅਰਾਂ ਵਿੱਚ ਵੀ ਗਿਰਾਵਟ ਦੇਖੀ ਗਈ ਹੈ। ਸਰਕਾਰ ਦਾ ਮੰਨਣਾ ਹੈ ਕਿ ਕੀਮਤਾਂ ਵਧਣ ਨਾਲ ਲੋਕ ਤੰਬਾਕੂ ਘੱਟ ਵਰਤਣਗੇ ਅਤੇ ਆਮਦਨ ਵਿੱਚ ਵਾਧਾ ਹੋਵੇਗਾ। ਤੰਬਾਕੂ ਅਤੇ ਪਾਨ ਮਸਾਲੇ ‘ਤੇ ਲਗਾਇਆ ਜਾ ਰਿਹਾ ਨਵਾਂ ਟੈਕਸ GST ਦਰ ਤੋਂ ਵੱਖਰਾ ਹੋਵੇਗਾ ਅਤੇ ਇਹ ਮੌਜੂਦਾ ਕੰਪਨਸੇਸ਼ਨ ਸੈਸ ਦੀ ਥਾਂ ਲਵੇਗਾ, ਜੋ ਹੁਣ ਇਨ੍ਹਾਂ ਸਿਨ ਗੁਡਜ਼ ‘ਤੇ ਲੱਗਦਾ ਹੈ। ਇਸ ਨਾਲ ਸਾਰੇ ਬ੍ਰਾਂਡ ਅਤੇ ਹਰ ਸਾਈਜ਼ ਦੀਆਂ ਸਿਗਰਟਾਂ ਮਹਿੰਗੀਆਂ ਹੋ ਜਾਣਗੀਆਂ। ਇਸ ਫੈਸਲੇ ਦਾ ਅਸਰ ਦੇਸ਼ ਦੇ ਕਰੀਬ 10 ਕਰੋੜ ਧੂਮਰਪਾਨ ਕਰਨ ਵਾਲੇ ਲੋਕਾਂ ‘ਤੇ ਪਵੇਗਾ।
ਸਰਕਾਰ ਨੇ ਸਿਗਰਟ ਦੀ ਲੰਬਾਈ ਦੇ ਆਧਾਰ ‘ਤੇ ਨਵਾਂ ਉਤਪਾਦ ਸ਼ੁਲਕ ਤੈਅ ਕੀਤਾ ਹੈ, ਜੋ 1,000 ਸਿਗਰਟਾਂ ‘ਤੇ 2,050 ਰੁਪਏ ਤੋਂ ਲੈ ਕੇ 8,500 ਰੁਪਏ ਤੱਕ ਹੋਵੇਗਾ। ਇਹ ਨਵਾਂ ਟੈਕਸ ਸਿਗਰਟ ‘ਤੇ ਪਹਿਲਾਂ ਤੋਂ ਲੱਗੇ 40% GST ਤੋਂ ਇਲਾਵਾ ਹੋਵੇਗਾ।
ਸਿਗਰਟ ਅਤੇ ਬੀੜੀ ਦੇ ਨਾਲ-ਨਾਲ ਪਾਨ ਮਸਾਲੇ ‘ਤੇ ਵੀ ਐਡੀਸ਼ਨਲ ਹੈਲਥ ਅਤੇ ਨੈਸ਼ਨਲ ਸਿਕਿਊਰਿਟੀ ਸੈਸ ਲਾਇਆ ਜਾਵੇਗਾ। ਤੰਬਾਕੂ ਅਤੇ ਇਸ ਨਾਲ ਜੁੜੇ ਉਤਪਾਦਾਂ ‘ਤੇ ਐਕਸਟਰਾ ਐਕਸਾਈਜ਼ ਡਿਊਟੀ ਲੱਗੇਗੀ। ਇਹ ਦੋਨੋਂ ਟੈਕਸ ਲਗਾਉਣ ਦੀ ਮਨਜ਼ੂਰੀ ਦਸੰਬਰ ਵਿੱਚ ਸੰਸਦ ਨੇ ਦਿੱਤੀ ਸੀ।
ਨਵੇਂ ਟੈਕਸ ਦੇ ਕਾਰਨ 1,000 ਸਿਗਰਟਾਂ ‘ਤੇ 2,050 ਰੁਪਏ ਤੋਂ ਲੈ ਕੇ 8,500 ਰੁਪਏ ਤੱਕ ਟੈਕਸ ਵੱਧੇਗਾ। ਅਨੁਮਾਨ ਹੈ ਕਿ ਇਸ ਕਾਰਨ 18 ਰੁਪਏ ਵਾਲੀ ਇੱਕ ਸਿਗਰਟ ਦੀ ਕੀਮਤ 21–22 ਰੁਪਏ ਤੱਕ ਚੜ੍ਹ ਸਕਦੀ ਹੈ। 10 ਰੁਪਏ ਵਾਲੀ ਸਿਗਰਟ 12 ਰੁਪਏ ਮਿਲੇਗੀ। ਇਸ ਨਾਲ ਰੋਜ਼ਾਨਾ ਸਿਗਰਟ ਪੀਣ ਵਾਲਿਆਂ ‘ਤੇ ਸਭ ਤੋਂ ਜ਼ਿਆਦਾ ਪ੍ਰਭਾਵ ਪਵੇਗਾ।
EDITED BY- HARLEEN KAUR
