2026 ਵਿਚ ਹੋਲੀ ਦੇ ਤਿਉਹਾਰ ਨਾਲ ਸਬੰਧਤ ਛੁੱਟੀਆਂ ਨੂੰ ਲੈ ਕੇ ਉਲਝਣ ਬਣੀ ਹੋਈ ਹੈ। ਵਿਦਿਆਰਥੀ, ਮਾਪੇ ਅਤੇ ਸਕੂਲ ਪ੍ਰਸ਼ਾਸਨ ਇਸ ਗੱਲ ਨੂੰ ਲੈ ਕੇ ਅਨਿਸ਼ਚਿਤ ਹਨ ਕਿ ਹੋਲੀ ਦੀ ਛੁੱਟੀ 3 ਨੂੰ ਜਾਂ 4 ਮਾਰਚ ਨੂੰ ਹੋਵੇਗੀ। ਕਈ ਰਾਜਾਂ ਵਿਚ ਸਰਕਾਰੀ ਕੈਲੰਡਰ ਅਤੇ ਸਥਾਨਕ ਲੋਕ ਮਾਨਤਾਵਾਂ ਕਾਰਨ ਅੰਤਰ ਹਨ।
ਉੱਤਰ ਪ੍ਰਦੇਸ਼ ਵਿੱਚ ਸਕੂਲ ਤਿੰਨ ਦਿਨ ਬੰਦ ਰਹਿਣਗੇ
ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਹੋਲੀ ਲਈ ਤਿੰਨ ਦਿਨਾਂ ਦੀ ਛੁੱਟੀ ਦਾ ਐਲਾਨ ਕੀਤਾ ਹੈ। ਯੂਪੀ ਸਰਕਾਰ ਦੇ ਹੁਕਮ ਅਨੁਸਾਰ 2, 3 ਅਤੇ 4 ਮਾਰਚ ਨੂੰ ਸਰਕਾਰੀ ਛੁੱਟੀਆਂ ਹੋਣਗੀਆਂ। 1 ਮਾਰਚ ਐਤਵਾਰ ਹੈ, ਇਸ ਲਈ ਲਗਾਤਾਰ ਚਾਰ ਦਿਨ ਛੁੱਟੀਆਂ ਰਹਿਣਗੀਆਂ।
ਯੂਪੀ ਸਰਕਾਰ ਦੇ ਅਕਾਦਮਿਕ ਕੈਲੰਡਰ ਅਨੁਸਾਰ, 1 ਮਾਰਚ (ਐਤਵਾਰ), 2 ਮਾਰਚ (ਸੋਮਵਾਰ – ਹੋਲਿਕਾ ਦਹਿਨ), ਅਤੇ 4 ਮਾਰਚ (ਬੁੱਧਵਾਰ – ਹੋਲੀ) ਲਈ ਛੁੱਟੀਆਂ ਪਹਿਲਾਂ ਹੀ ਤੈਅ ਕੀਤੀਆਂ ਗਈਆਂ ਹਨ। ਹੁਣ, ਹੋਲੀ ਲਈ 3 ਮਾਰਚ (ਮੰਗਲਵਾਰ) ਨੂੰ ਵੀ ਛੁੱਟੀ ਹੋਵੇਗੀ।
ਦਿੱਲੀ ਐਨਸੀਆਰ ਵਿੱਚ ਹੋਲੀ ਦੀ ਛੁੱਟੀ
ਦਿੱਲੀ-ਐਨਸੀਆਰ ਦੇ ਜ਼ਿਆਦਾਤਰ ਪ੍ਰਾਈਵੇਟ ਸਕੂਲਾਂ ਨੇ 3 ਅਤੇ 4 ਮਾਰਚ ਨੂੰ ਛੁੱਟੀ ਦਾ ਐਲਾਨ ਕੀਤਾ ਹੈ। ਹਾਲਾਂਕਿ, ਨੋਇਡਾ ਦੇ ਸਕੂਲਾਂ ਵਿੱਚ ਪ੍ਰੀਖਿਆਵਾਂ ਚੱਲ ਰਹੀਆਂ ਹਨ, ਜਿਸ ਕਾਰਨ ਸੋਮਵਾਰ ਤੋਂ ਬੁੱਧਵਾਰ ਤੱਕ ਛੁੱਟੀ ਰਹੇਗੀ।
ਰਾਜਸਥਾਨ, ਹਰਿਆਣਾ ਅਤੇ ਪੰਜਾਬ ਵਿੱਚ ਸਕੂਲ ਬੰਦ
ਰਾਜਸਥਾਨ, ਹਰਿਆਣਾ ਅਤੇ ਪੰਜਾਬ ਵਿੱਚ ਹੋਲੀ ਲਈ ਸਕੂਲ ਬੰਦ ਰਹਿਣਗੇ। ਜ਼ਿਆਦਾਤਰ ਸਕੂਲ ਸੋਮਵਾਰ ਤੋਂ ਬੁੱਧਵਾਰ ਤੱਕ ਬੰਦ ਰਹਿਣਗੇ, ਹਾਲਾਂਕਿ ਕੁਝ ਸਕੂਲਾਂ ਵਿੱਚ ਮੰਗਲਵਾਰ ਅਤੇ ਬੁੱਧਵਾਰ ਨੂੰ ਛੁੱਟੀ ਰਹੇਗੀ। ਹਰਿਆਣਾ ਅਤੇ ਪੰਜਾਬ ਨੇ ਵੀ 4 ਮਾਰਚ ਨੂੰ ਗਜ਼ਟਿਡ ਛੁੱਟੀ ਦਾ ਐਲਾਨ ਕੀਤਾ ਹੈ।
