Uncategorized

ਲੱਤਾਂ ਦੇ ਤੇਜ਼ ਦਰਦ ਤੋਂ ਹੋ ਪਰੇਸ਼ਾਨ ਜਾਣੋ ਦਰਦ ਦੇ ਮੁੱਖ ਕਾਰਨ

ਇਨ੍ਹਾਂ ਉਪਾਅ ਨਾਲ ਪਾਓ ਰਾਹਤ

ਅੱਜ-ਕੱਲ੍ਹ ਦੀ ਭੱਜ-ਦੌੜ ਭਰੀ ਜ਼ਿੰਦਗੀ ਅਤੇ ਗਲਤ ਖਾਣ-ਪੀਣ ਕਾਰਨ ਲੱਤਾਂ ‘ਚ ਦਰਦ ਹੋਣਾ ਇਕ ਆਮ ਸਮੱਸਿਆ ਬਣ ਗਈ ਹੈ। ਚਾਹੇ ਨੌਜਵਾਨ ਹੋਣ ਜਾਂ ਬਜ਼ੁਰਗ, ਬਹੁਤ ਸਾਰੇ ਲੋਕ ਰਾਤ ਨੂੰ ਸੌਂਦੇ ਸਮੇਂ ਲੱਤਾਂ ‘ਚ ਖਿੱਚ ਜਾਂ ਤੇਜ਼ ਦਰਦ ਦੀ ਸ਼ਿਕਾਇਤ ਕਰਦੇ ਹਨ। ਜੇਕਰ ਤੁਸੀਂ ਵੀ ਇਸ ਸਮੱਸਿਆ ਤੋਂ ਜੂਝ ਰਹੇ ਹੋ, ਤਾਂ ਕੁਝ ਸੌਖੇ ਘਰੇਲੂ ਉਪਾਅ ਤੁਹਾਨੂੰ ਦਵਾਈਆਂ ਤੋਂ ਬਿਨਾਂ ਹੀ ਵੱਡੀ ਰਾਹਤ ਦੇ ਸਕਦੇ ਹਨ।
ਲੱਤਾਂ ਵਿੱਚ ਦਰਦ ਹੋਣ ਦੇ ਆਮ ਕਾਰਨ ਇਹ ਹਨ: ਸਰੀਰ ਵਿੱਚ ਪਾਣੀ ਦੀ ਕਮੀ, ਕੈਲਸ਼ੀਅਮ, ਪੋਟਾਸ਼ੀਅਮ ਜਾਂ ਵਿਟਾਮਿਨ-ਡੀ ਦੀ ਘਾਟ, ਲੰਬੇ ਸਮੇਂ ਤੱਕ ਖੜ੍ਹੇ ਰਹਿਣਾ ਜਾਂ ਬੈਠ ਕੇ ਕੰਮ ਕਰਨਾ, ਅਤੇ ਮਾਸਪੇਸ਼ੀਆਂ ਵਿੱਚ ਖਿੱਚ ਜਾਂ ਨਸਾਂ ਦੀ ਕਮਜ਼ੋਰੀ।
ਕੋਸੇ ਪਾਣੀ ਅਤੇ ਨਮਕ ਦੀ ਵਰਤੋਂ– ਰਾਤ ਨੂੰ ਸੌਣ ਤੋਂ ਪਹਿਲਾਂ ਇਕ ਟੱਬ ‘ਚ ਕੋਸਾ ਪਾਣੀ ਪਾ ਕੇ ਉਸ ‘ਚ ਥੋੜ੍ਹਾ ਜਿਹਾ ਨਮਕ (ਸੇਂਧਾ ਨਮਕ ਬਿਹਤਰ ਹੈ) ਮਿਲਾਓ। 10-15 ਮਿੰਟਾਂ ਲਈ ਆਪਣੀਆਂ ਲੱਤਾਂ ਇਸ ‘ਚ ਰੱਖੋ। ਇਹ ਮਾਸਪੇਸ਼ੀਆਂ ਦੀ ਸੋਜ ਘਟਾਉਣ ਅਤੇ ਦਰਦ ਤੋਂ ਤੁਰੰਤ ਰਾਹਤ ਦੇਣ ‘ਚ ਮਦਦਗਾਰ ਹੈ।
ਹਲਕੀ ਸਟ੍ਰੈਚਿੰਗ– ਸੌਣ ਤੋਂ ਪਹਿਲਾਂ ਲੱਤਾਂ ਦੀਆਂ ਹਲਕੀਆਂ ਕਸਰਤਾਂ ਜਾਂ ਸਟ੍ਰੈਚਿੰਗ ਕਰਨ ਨਾਲ ਮਾਸਪੇਸ਼ੀਆਂ ਦਾ ਤਣਾਅ ਘੱਟ ਹੁੰਦਾ ਹੈ ਅਤੇ ਨੀਂਦ ਵੀ ਵਧੀਆ ਆਉਂਦੀ ਹੈ।

ਸਰੀਰ ਨੂੰ ਹਾਈਡ੍ਰੇਟ ਰੱਖੋ– ਕਈ ਵਾਰ ਸਰੀਰ ‘ਚ ਪਾਣੀ ਦੀ ਕਮੀ ਕਾਰਨ ਵੀ ਨਸਾਂ ਚੜ੍ਹਨ ਦੀ ਸਮੱਸਿਆ ਹੁੰਦੀ ਹੈ। ਇਸ ਲਈ ਦਿਨ ਭਰ ਭਰਪੂਰ ਪਾਣੀ ਪੀਓ।
ਖੁਰਾਕ ‘ਚ ਸੁਧਾਰ– ਆਪਣੀ ਡਾਈਟ ‘ਚ ਕੇਲੇ, ਦੁੱਧ, ਦਹੀਂ ਅਤੇ ਹਰੀਆਂ ਸਬਜ਼ੀਆਂ ਸ਼ਾਮਲ ਕਰੋ। ਇਹ ਸਰੀਰ ‘ਚ ਜ਼ਰੂਰੀ ਮਿਨਰਲਸ ਦੀ ਕਮੀ ਨੂੰ ਪੂਰਾ ਕਰਦੇ ਹਨ, ਜਿਸ ਨਾਲ ਲੱਤਾਂ ਦੇ ਕੜਵੱਲ ਘੱਟ ਹੁੰਦੇ ਹਨ।
ਮਾਲਿਸ਼– ਸਰ੍ਹੋਂ ਦੇ ਤੇਲ ਜਾਂ ਜੈਤੂਨ ਦੇ ਤੇਲ ਨੂੰ ਹਲਕਾ ਕੋਸਾ ਕਰਕੇ ਲੱਤਾਂ ਦੀ ਮਾਲਿਸ਼ ਕਰੋ। ਇਸ ਨਾਲ ਖੂਨ ਦਾ ਦੌਰਾ ਵਧਦਾ ਹੈ ਅਤੇ ਮਾਸਪੇਸ਼ੀਆਂ ਨੂੰ ਸਕੂਨ ਮਿਲਦਾ ਹੈ।
EDITED BY- HARLEEN KAUR

Related Articles

Leave a Reply

Your email address will not be published. Required fields are marked *

Back to top button
error: Content is protected !!