ਸਾਬਕਾ ਪ੍ਰਧਾਨ ਮੰਤਰੀ ਆਈ.ਕੇ. ਗੁਜਰਾਲ ਦੇ ਪੁੱਤਰ ਅਤੇ ਸਾਬਕਾ ਰਾਜ ਸਭਾ ਮੈਂਬਰ ਨਰੇਸ਼ ਗੁਜਰਾਲ ਦਿੱਲੀ ਵਿੱਚ ਸਭ ਤੋਂ ਵੱਡੇ ਸਾਈਬਰ ਧੋਖਾਧੜੀ ਦਾ ਸ਼ਿਕਾਰ ਹੋਏ ਹਨ। ਧੋਖੇਬਾਜ਼ਾਂ ਨੇ ਵਟਸਐਪ ‘ਤੇ ਗੁਜਰਾਲ ਦੀ ਫੋਟੋ ਲਾ ਕੇ ਉਨ੍ਹਾਂ ਦੀ ਹੀ ਕੰਪਨੀ ਦੇ ਇੱਕ ਕਰਮਚਾਰੀ ਨੂੰ ਫਸਾਇਆ ਤੇ ਉਸ ਕੋਲੋਂ 7.80 ਕਰੋੜ ਰੁਪਏ ਟ੍ਰਾਂਸਫਰ ਕਰਵਾ ਲਏ। ਹਾਲਾਂਕਿ, ਦਿੱਲੀ ਪੁਲਿਸ ਸਾਈਬਰ ਸੈੱਲ ਨੇ ਤੁਰੰਤ ਕਾਰਵਾਈ ਕਰਦਿਆਂ ਹੋਇਆਂ ਲਗਭਗ 4 ਕਰੋੜ ਰੁਪਏ ਫ੍ਰੀਜ਼ ਕਰ ਲਏ ਹਨ।
ਇਹ ਪਤਾ ਲੱਗਾ ਹੈ ਕਿ ਮੁਲਜ਼ਮਾਂ ਨੇ ਨਰੇਸ਼ ਗੁਜਰਾਲ ਦੀ ਕੰਪਨੀ ਦੀ ਵਿੱਤ ਟੀਮ ਨੂੰ ਨਿਸ਼ਾਨਾ ਬਣਾਇਆ। ਉਨ੍ਹਾਂ ਨੇ ਨਰੇਸ਼ ਗੁਜਰਾਲ ਦੀ ਫੋਟੋ (ਡਿਸਪਲੇ ਤਸਵੀਰ) ne ਇੱਕ ਜਾਅਲੀ ਖਾਤੇ ਦੀ ਵਰਤੋਂ ਕੀਤੀ। ਉਨ੍ਹਾਂ ਦੇ ਇੱਕ ਭਰੋਸੇਮੰਦ ਕਰਮਚਾਰੀ ਨੂੰ ਇੱਕ ਧੋਖਾਧੜੀ ਵਾਲਾ ਸੁਨੇਹਾ ਭੇਜਿਆ, ਜਿਸ ਵਿੱਚ ਉਸਨੂੰ ਆਰਟੀਜੀਐਸ (ਰੀਅਲ ਟਾਈਮ ਗ੍ਰਾਸ ਸੈਟਲਮੈਂਟ) ਰਾਹੀਂ ਸਬੰਧਤ ਬੈਂਕ ਖਾਤੇ ਵਿੱਚ ਪੈਸੇ ਟ੍ਰਾਂਸਫਰ ਕਰਨ ਦੀ ਹਦਾਇਤ ਦਿੱਤੀ ਗਈ। ਇਸ ਤੋਂ ਬਾਅਦ ਵੱਖ-ਵੱਖ ਹਿੱਸਿਆਂ ਵਿੱਚ ਪੈਸੇ ਗਏ।
ਇਸ ਧੋਖਾਧੜੀ ਬਾਰੇ 16 ਜੂਨ, 2026 ਨੂੰ ਪਤਾ ਲੱਗਿਆ। ਜਦੋਂ ਨਰੇਸ਼ ਗੁਜਰਾਲ ਦੇ ਇੱਕ ਕਰਮਚਾਰੀ ਨੂੰ ਇੱਕ ਵਟਸਐਪ ਪ੍ਰੋਫਾਈਲ ਤੋਂ ਉਸਦੇ ਨਾਮ ਅਤੇ ਫੋਟੋ ਦੇ ਨਾਲ ਪੈਸੇ ਟ੍ਰਾਂਸਫਰ ਕਰਨ ਦੀ ਬੇਨਤੀ ਕਰਨ ਵਾਲਾ ਸੁਨੇਹਾ ਮਿਲਿਆ, ਤਾਂ ਉਸਨੇ ਪੈਸੇ ਦੱਸੇ ਗਏ ਖਾਤੇ ਵਿੱਚ ਭੇਜ ਦਿੱਤੇ।
ਬਾਅਦ ਵਿੱਚ, ਕਰਮਚਾਰੀ ਨੇ ਨਰੇਸ਼ ਗੁਜਰਾਲ ਦੀ ਧੀ, ਦੀਕਸ਼ਾ ਗੁਜਰਾਲ ਨੂੰ ਇਸ ਬਾਰੇ ਸੂਚਿਤ ਕੀਤਾ। ਦੀਕਸ਼ਾ ਨੂੰ ਸ਼ੱਕ ਹੋਇਆ ਅਤੇ ਉਸਨੇ ਤੁਰੰਤ ਆਪਣੇ ਪਿਤਾ ਨਾਲ ਗੱਲ ਕੀਤੀ। ਨਰੇਸ਼ ਗੁਜਰਾਲ ਨੇ ਸਪੱਸ਼ਟ ਤੌਰ ‘ਤੇ ਕਿਹਾ ਕਿ ਉਸਨੇ ਕਿਸੇ ਨੂੰ ਪੈਸੇ ਭੇਜਣ ਲਈ ਨਹੀਂ ਕਿਹਾ ਸੀ ਅਤੇ ਨਾ ਹੀ ਉਸਨੂੰ ਲੈਣ-ਦੇਣ ਬਾਰੇ ਪਤਾ ਹੈ।
ਇਸ ਤੋਂ ਬਾਅਦ, ਪਰਿਵਾਰ ਅਤੇ ਕਰਮਚਾਰੀਆਂ ਨੂੰ ਪਤਾ ਲੱਗਿਆ ਕਿ ਇੱਕ ਧੋਖਾਧੜੀ ਕਰਨ ਵਾਲਾ ਵਿਅਕਤੀ ਨਰੇਸ਼ ਗੁਜਰਾਲ ਦੇ ਰੂਪ ਵਿੱਚ ਵਟਸਐਪ ‘ਤੇ ਲੋਕਾਂ ਨੂੰ ਮੈਸੇਜ ਭੇਜ ਰਿਹਾ ਸੀ, ਜਿਸ ਤੋਂ ਬਾਅਦ ਉਹ ਧੋਖਾਧੜੀ ਦਾ ਸ਼ਿਕਾਰ ਹੋਏ।
ਨਰੇਸ਼ ਗੁਜਰਾਲ ਨੇ ਦੱਸਿਆ ਕਿ ਦਿੱਲੀ ਦੀਆਂ ਸਾਈਬਰ ਏਜੰਸੀਆਂ ਨੇ ਸ਼ਿਕਾਇਤ ਮਿਲਣ ‘ਤੇ ਤੇਜ਼ੀ ਨਾਲ ਕਾਰਵਾਈ ਕੀਤੀ, ਜਿਸ ਨਾਲ ਜ਼ਿਆਦਾਤਰ ਧੋਖਾਧੜੀ ਵਾਲੇ ਫੰਡਾਂ ਨੂੰ ਫ੍ਰੀਜ਼ ਕਰ ਦਿੱਤਾ ਗਿਆ ਤਾਂ ਕਿ ਮੁਲਜ਼ਮ ਖਾਤੇ ਵਿੱਚੋਂ ਪੈਸੇ ਨਾ ਕਢਵਾ ਸਕਣ।
ਉਸਨੇ ਦੱਸਿਆ ਕਿ ਪੈਸੇ ਟ੍ਰਾਂਸਫਰ ਕਰਨ ਤੋਂ ਪਹਿਲਾਂ, ਬੈਂਕ ਨੇ ਪੁਸ਼ਟੀ ਕਰਨ ਲਈ ਉਸਦੇ ਸੀਐਫਓ (ਮੁੱਖ ਵਿੱਤੀ ਅਧਿਕਾਰੀ) ਨੂੰ ਬੁਲਾਇਆ। ਪਰ ਸੀਐਫਓ ਨੂੰ ਲੱਗਿਆ ਕਿ ਪੈਸੇ ਭੇਜਣ ਦੇ ਨਿਰਦੇਸ਼ ਖੁਦ ਨਰੇਸ਼ ਗੁਜਰਾਲ ਨੇ ਦਿੱਤੇ ਸਨ, ਜਿਸ ਕਰਕੇ ਉਨ੍ਹਾਂ ਨੇ ਪੈਸੇ ਟਰਾਸਫਰ ਕੀਤੇ। ਬਾਅਦ ਵਿੱਚ, ਇਹ ਪਤਾ ਲੱਗਾ ਕਿ ਪੂਰਾ ਮਾਮਲਾ ਇੱਕ ਧੋਖਾਧੜੀ ਸੀ।
EDITED BY- HARLEEN KAUR
