ਜੇਕਰ ਤੁਸੀਂ ਵੀ ਕਦੇ ਆਪਣੇ ਕਿਸੇ ਪਿਆਰੇ, ਕਰੀਬੀ ਦੋਸਤ ਜਾਂ ਰਿਸ਼ਤੇਦਾਰ ਨੂੰ ਗੁਆਇਆ ਹੈ, ਤਾਂ ਸੰਭਵ ਹੈ ਕਿ ਉਹ ਤੁਹਾਨੂੰ ਸੁਪਨਿਆਂ ਵਿਚ ਜ਼ਰੂਰ ਦਿਖਾਈ ਦਿੰਦਾ ਹੋਵੇ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਅਜਿਹੇ ਸੁਪਨੇ ਆਖਰ ਕਿਉਂ ਆਉਂਦੇ ਹਨ?
ਹਿੰਦੂ ਸ਼ਾਸਤ੍ਰਾਂ ਵਿਚ ਹਰ ਸੁਪਨੇ ਦਾ ਇਕ ਖ਼ਾਸ ਅਰਥ ਦੱਸਿਆ ਗਿਆ ਹੈ। ਇੱਥੋਂ ਤੱਕ ਕਿ ਸੁਪਨਿਆਂ ‘ਤੇ ਅਧਾਰਤ ਇਕ ਪੂਰਾ ਸ਼ਾਸਤਰ ਮੌਜੂਦ ਹੈ, ਜਿਸਨੂੰ ਸੁਪਨ ਸ਼ਾਸਤ੍ਰ ਕਿਹਾ ਜਾਂਦਾ ਹੈ। ਇਸੇ ਸੁਪਨ ਸ਼ਾਸਤ੍ਰ ਵਿਚ ਸਾਨੂੰ ਅਜਿਹੇ ਸੁਪਨਿਆਂ ਦੇ ਸੰਕੇਤ ਅਤੇ ਉਨ੍ਹਾਂ ਦੇ ਅਰਥ ਵਿਸਤਾਰ ਨਾਲ ਮਿਲਦੇ ਹਨ।
ਮ੍ਰਿਤ ਵਿਅਕਤੀ ਤੰਦਰੁਸਤ ਦਿਖਾਈ ਦੇਵੇ
ਜੇਕਰ ਕੋਈ ਵਿਅਕਤੀ ਬੀਮਾਰੀ ਕਾਰਨ ਮੌਤ ਨੂੰ ਪ੍ਰਾਪਤ ਹੋਇਆ ਹੋਵੇ ਅਤੇ ਉਹ ਸੁਪਨੇ ਵਿਚ ਤੰਦਰੁਸਤ ਦਿਖਾਈ ਦੇਵੇ, ਤਾਂ ਇਹ ਸੰਕੇਤ ਹੁੰਦਾ ਹੈ ਕਿ ਉਸਦਾ ਪੁਨਰ ਜਨਮ ਕਿਸੇ ਚੰਗੇ ਸਥਾਨ ‘ਤੇ ਹੋ ਚੁੱਕਾ ਹੈ। ਇਸਨੂੰ ਆਸ਼ਵਾਸਨ ਸੁਪਨਾ ਕਿਹਾ ਜਾਂਦਾ ਹੈ। ਅਜਿਹੇ ਵਿਚ ਤੁਹਾਨੂੰ ਚਿੰਤਾ ਛੱਡ ਕੇ ਅੱਗੇ ਵਧ ਜਾਣਾ ਚਾਹੀਦਾ ਹੈ।
ਅਕਾਲ ਮੌਤ ਵਾਲੇ ਵਿਅਕਤੀ ਦਾ ਬੀਮਾਰ ਦਿਖਣਾ
ਜੇਕਰ ਕਿਸੇ ਤੰਦਰੁਸਤ ਵਿਅਕਤੀ ਦੀ ਅਚਾਨਕ ਮੌਤ ਹੋਈ ਹੋਵੇ ਅਤੇ ਉਹ ਸੁਪਨੇ ਵਿਚ ਬੀਮਾਰ ਦਿਖਾਈ ਦੇਵੇ, ਤਾਂ ਇਹ ਸੰਕੇਤ ਹੈ ਕਿ ਉਸਦੀ ਕੋਈ ਇੱਛਾ ਅਧੂਰੀ ਰਹਿ ਗਈ ਹੈ। ਜੇਕਰ ਤੁਹਾਨੂੰ ਉਸ ਇੱਛਾ ਦਾ ਅੰਦਾਜ਼ਾ ਹੋਵੇ, ਤਾਂ ਉਸਨੂੰ ਪੂਰਾ ਕਰਨ ਦਾ ਯਤਨ ਜ਼ਰੂਰ ਕਰੋ। ਅਜਿਹਾ ਕਰਨ ਨਾਲ ਉਸਦੀ ਆਤਮਾ ਨੂੰ ਸ਼ਾਂਤੀ ਮਿਲਦੀ ਹੈ ਅਤੇ ਘਰ ਵਿੱਚ ਸੁਖ-ਖੁਸ਼ਹਾਲੀ ਵਧਦੀ ਹੈ।
ਜੀਵਿਤ ਵਿਅਕਤੀ ਦਾ ਮ੍ਰਿਤ ਦਿਖਾਈ ਦੇਣਾ
ਜੇਕਰ ਤੁਸੀਂ ਕਿਸੇ ਜੀਵਿਤ ਵਿਅਕਤੀ ਨੂੰ ਸੁਪਨੇ ਵਿਚ ਮ੍ਰਿਤ ਵੇਖਦੇ ਹੋ, ਤਾਂ ਘਬਰਾਉਣ ਦੀ ਲੋੜ ਨਹੀਂ ਹੈ। ਸੁਪਨ ਸ਼ਾਸਤ੍ਰ ਦੇ ਅਨੁਸਾਰ ਇਸਦਾ ਅਰਥ ਉਲਟਾ ਹੁੰਦਾ ਹੈ ਯਾਨੀ ਉਸ ਵਿਅਕਤੀ ਦੀ ਉਮਰ ਵਧਣ ਵਾਲੀ ਹੈ।
ਮ੍ਰਿਤ ਪਰਿਜਨ ਸੁਪਨੇ ਵਿਚ ਦਿਖਣ ਪਰ ਕੁਝ ਬੋਲਣ ਨਾ
ਜੇਕਰ ਮ੍ਰਿਤ ਪਰਿਜਨ ਸੁਪਨੇ ਵਿਚ ਆਉਂਦੇ ਹਨ ਪਰ ਕੁਝ ਕਹਿੰਦੇ ਨਹੀਂ, ਤਾਂ ਇਹ ਸੰਕੇਤ ਹੈ ਕਿ ਉਹ ਤੁਹਾਨੂੰ ਕਿਸੇ ਗੱਲ ਲਈ ਸਾਵਧਾਨ ਕਰਨਾ ਚਾਹੁੰਦੇ ਹਨ। ਸੰਭਵ ਹੈ ਕਿ ਤੁਸੀਂ ਕੋਈ ਗਲਤ ਕਦਮ ਚੁੱਕਣ ਵਾਲੇ ਹੋਵੋ।
ਆਸ਼ੀਰਵਾਦ ਦੇਣਾ ਜਾਂ ਉਦਾਸ ਦਿਖਣਾ
ਜੇਕਰ ਮ੍ਰਿਤ ਪਰਿਜਨ ਸੁਪਨੇ ਵਿਚ ਆਸ਼ੀਰਵਾਦ ਦੇ ਕੇ ਜਾਣ, ਤਾਂ ਇਹ ਸਫਲਤਾ ਦਾ ਸੰਕੇਤ ਹੈ। ਪਰ ਜੇਕਰ ਉਹ ਉਦਾਸ ਜਾਂ ਨਾਰਾਜ਼ ਦਿਖਣ, ਤਾਂ ਸਮਝ ਜਾਓ ਕਿ ਤੁਹਾਡਾ ਕੋਈ ਫੈਸਲਾ ਗਲਤ ਹੋ ਸਕਦਾ ਹੈ।
ਸੁਪਨੇ ਵਿਚ ਵਸਤੂਆਂ ਦੀ ਮੰਗ ਕਰਨਾ
ਜੇਕਰ ਤੁਹਾਨੂੰ ਲੱਗੇ ਕਿ ਮ੍ਰਿਤ ਪਰਿਜਨ ਭੁੱਖੇ ਹਨ ਜਾਂ ਉਨ੍ਹਾਂ ਕੋਲ ਜੁੱਤੇ ਨਹੀਂ ਹਨ, ਤਾਂ ਇਸਦਾ ਮਤਲਬ ਹੈ ਕਿ ਉਹ ਤੁਹਾਡੇ ਤੋਂ ਕੁਝ ਮੰਗ ਰਹੇ ਹਨ। ਅਜਿਹੀ ਸਥਿਤੀ ਵਿਚ ਉਨ੍ਹਾਂ ਦੀ ਇੱਛਾ ਅਨੁਸਾਰ ਵਸਤੂ ਦਾ ਦਾਨ ਕਰੋ, ਅਤੇ ਮਨ ਹੀ ਮਨ ਉਨ੍ਹਾਂ ਨੂੰ ਸਮਰਪਿਤ ਕਰੋ।
ਘਰ ਦੇ ਆਸਪਾਸ ਦਿਖਾਈ ਦੇਣਾ
ਜੇਕਰ ਉਹ ਘਰ ਵਿਚ ਜਾਂ ਆਸਪਾਸ ਦਿਖਣ, ਤਾਂ ਇਸਦਾ ਅਰਥ ਹੈ ਕਿ ਉਨ੍ਹਾਂ ਦਾ ਮੋਹ ਅਜੇ ਵੀ ਪਰਿਵਾਰ ਨਾਲ ਜੁੜਿਆ ਹੋਇਆ ਹੈ। ਅਜਿਹੇ ਵਿੱਚ ਅਮਾਵਸਿਆ ਦੇ ਦਿਨ ਪਿਤਰਾਂ ਦੇ ਨਾਮ ‘ਤੇ ਦਾਨ ਕਰੋ, ਅਤੇ ਗਾ ਨੂੰ ਰੋਟੀ ਖੁਆਓ।
ਸ਼ਵ ਯਾਤਰਾ ਵੇਖਣਾ
ਸੁਪਨੇ ਵਿਚ ਸ਼ਵ ਯਾਤਰਾ ਵੇਖਣਾ ਅਸ਼ੁਭ ਨਹੀਂ ਹੁੰਦਾ। ਇਹ ਸੰਕੇਤ ਦਿੰਦਾ ਹੈ ਕਿ ਤੁਹਾਡੀਆਂ ਮਨੋਕਾਮਨਾਵਾਂ ਜਲਦੀ ਪੂਰੀਆਂ ਹੋਣ ਵਾਲੀਆਂ ਹਨ।
ਮ੍ਰਿਤ ਵਿਅਕਤੀ ਦਾ ਕ੍ਰੋਧਿਤ ਜਾਂ ਰੋਂਦਾ ਹੋਇਆ ਦਿਖਣਾ
ਜੇਕਰ ਮ੍ਰਿਤ ਵਿਅਕਤੀ ਗੁੱਸੇ ਵਿਚ ਦਿਖੇ, ਤਾਂ ਉਹ ਤੁਹਾਡੇ ਤੋਂ ਕੁਝ ਚਾਹੁੰਦਾ ਹੈ। ਜੇਕਰ ਉਹ ਰੋਂਦਾ ਹੋਇਆ ਦਿਖਾਈ ਦੇਵੇ ਤਾਂ ਵੀ ਇਹ ਸ਼ੁਭ ਸੰਕੇਤ ਮੰਨਿਆ ਜਾਂਦਾ ਹੈ ਕਿ ਇਹ ਤੁਹਾਡੇ ਜੀਵਨ ਵਿਚ ਆਉਣ ਵਾਲੇ ਚੰਗੇ ਸਮੇਂ ਵੱਲ ਇਸ਼ਾਰਾ ਕਰਦਾ ਹੈ।
EDITED BY- HARLEEN KAUR
