ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਅੱਜ ਮੋਹਾਲੀ ਵਿੱਚ ਕਰਵਾਏ ਗਏ ਸਮਾਗਮ ਦੌਰਾਨ ਸੂਬੇ ਦੇ 2800 ਡਿਪੋ ਹੋਲਡਰਾਂ ਨੂੰ ਨਵੇਂ ਲਾਇਸੈਂਸ ਸੌਂਪੇ। ਇਸ ਮੌਕੇ ਉਨ੍ਹਾਂ ਨੇ ਆਪਣੇ ਰਾਜਨੀਤਿਕ ਵਿਰੋਧੀਆਂ ‘ਤੇ ਤਿੱਖੇ ਹਮਲੇ ਵੀ ਕੀਤੇ। ਸੀਐਮ ਮਾਨ ਨੇ ਕਿਹਾ ਕਿ ਕਾਂਗਰਸ ਵਿੱਚ ਲੜਾਈ ਸਿਰਫ਼ ਕੁਰਸੀ ਲਈ ਹੈ। ਜੋ ਕੁਰਸੀ ਅਜੇ ਤੱਕ ਨਹੀਂ ਮਿਲੀ, ਰੱਬ ਕਰੇ ਉਹ ਅੱਗੇ ਵੀ ਨਾ ਮਿਲੇ।
ਉਨ੍ਹਾਂ ਆਰੋਪ ਲਗਾਇਆ ਕਿ ਅਕਾਲੀ ਸਰਕਾਰ ਦੇ ਸਮੇਂ ਲਾਲ ਬੱਤੀ ਵਾਲੀਆਂ ਗੱਡੀਆਂ ਵਿੱਚ ਨਸ਼ਾ ਸਪਲਾਈ ਹੁੰਦਾ ਸੀ ਅਤੇ ਇਹ ਸਭ ਮਜੀਠੀਆ ਦੇ ਇਸ਼ਾਰੇ ‘ਤੇ ਹੁੰਦਾ ਰਿਹਾ।ਉਨ੍ਹਾਂ ਕਿਹਾ ਕਿ ਬਿਕਰਮ ਸਿੰਘ ਮਜੀਠੀਆ ਜੇਲ੍ਹ ਤੋਂ ਬਾਹਰ ਆ ਕੇ ਇਸ ਤਰ੍ਹਾਂ ਮੂੰਛਾਂ ਨੂੰ ਤਾਵ ਦੇ ਰਹੇ ਹਨ ਜਿਵੇਂ ਕੋਈ ਕਿਲ੍ਹਾ ਫਤਹਿ ਕਰਕੇ ਆਏ ਹੋਣ, ਜਦਕਿ ਉਹ ਸਿਰਫ਼ ਜ਼ਮਾਨਤ ‘ਤੇ ਹੀ ਬਾਹਰ ਆਏ ਹਨ।
