ਸਵੇਰ ਦੀ ਸ਼ੁਰੂਆਤ ਹੋਵੇ ਅਤੇ ਬਾਲਕੋਨੀ ਦੀ ਮੁੰਡੇਰ ‘ਤੇ ਕਬੂਤਰਾਂ ਦੀ ਗੁਟਰਗੂੰ ਸੁਣਾਈ ਨਾ ਦੇਵੇ, ਅਜਿਹਾ ਅੱਜਕੱਲ੍ਹ ਘੱਟ ਹੀ ਹੁੰਦਾ ਹੈ। ਕੰਕਰੀਟ ਦੇ ਜੰਗਲਾਂ ਵਿਚ ਤਬਦੀਲ ਹੁੰਦੇ ਸ਼ਹਿਰਾਂ ਵਿਚ ਕਬੂਤਰ ਸਾਡੀ ਰੋਜ਼ਾਨਾ ਜ਼ਿੰਦਗੀ ਦਾ ਇਕ ਅਹਿਮ ਹਿੱਸਾ ਬਣ ਚੁੱਕੇ ਹਨ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਜੋਤਿਸ਼, ਵਾਸਤੂ ਅਤੇ ਸਾਡੇ ਪ੍ਰਾਚੀਨ ਸ਼ਾਸਤਰਾਂ ਵਿਚ ਕਬੂਤਰ ਦੇ ਇਸ ਤਰ੍ਹਾਂ ਘਰ ਆਉਣ ਅਤੇ ਵਾਸ ਕਰਨ ਨੂੰ ਲੈ ਕੇ ਕੀ ਕਿਹਾ ਗਿਆ ਹੈ?
ਅੱਜ ਦੇ ਸਮੇਂ ਵਿਚ ਜਦੋਂ ਲੋਕ ਵਾਸਤੂ ਦੋਸ਼ਾਂ ਨੂੰ ਲੈ ਕੇ ਕਾਫ਼ੀ ਸੁਚੇਤ ਰਹਿੰਦੇ ਹਨ, ਤਦ ਇਹ ਜਾਣਨਾ ਬਹੁਤ ਜ਼ਰੂਰੀ ਹੋ ਜਾਂਦਾ ਹੈ ਕਿ ਸ਼ਾਸਤਰਾਂ ਦੇ ਅਨੁਸਾਰ ਕਬੂਤਰ ਦਾ ਆਗਮਨ ਕਦੋਂ ਸ਼ੁਭ ਫਲ ਦਿੰਦਾ ਹੈ ਅਤੇ ਕਦੋਂ ਇਹ ਚਿੰਤਾ ਦਾ ਵਿਸ਼ਾ ਬਣ ਸਕਦਾ ਹੈ।
– ਜੇਕਰ ਕੋਈ ਕਬੂਤਰ ਤੁਹਾਡੇ ਘਰ ਦੇ ਵੇਹੜੇ (ਪ੍ਰਾਂਗਣ), ਛੱਤ ਜਾਂ ਬਾਲਕੋਨੀ ਵਿਚ ਆ ਕੇ ਸ਼ਾਂਤ ਭਾਵ ਨਾਲ ਬੈਠਦਾ ਹੈ ਜਾਂ ਉੱਥੇ ਖਿਲਰਿਆ ਦਾਣਾ ਚੁਗਦਾ ਹੈ, ਤਾਂ ਸ਼ਕੁਨ ਸ਼ਾਸਤਰ ਇਸ ਨੂੰ ਇਕ ਅਤਿ ਸ਼ੁਭ ਸੰਕੇਤ ਮੰਨਦਾ ਹੈ। ਇਸ ਨੂੰ ਘਰ ਵਿਚ ਸਕਾਰਾਤਮਕ ਊਰਜਾ ਦੇ ਪ੍ਰਵੇਸ਼ ਅਤੇ ‘ਲੱਛਮੀ ਆਗਮਨ’ ਦੀ ਪੂਰਵ ਸੂਚਨਾ ਮੰਨਿਆ ਜਾਂਦਾ ਹੈ।
– ਸ਼ਾਸਤਰਾਂ ਵਿਚ ਇਹ ਵੀ ਜ਼ਿਕਰ ਮਿਲਦਾ ਹੈ ਕਿ ਜੇਕਰ ਸਵੇਰ ਦੇ ਪਹਿਲੇ ਪਹਿਰ ਵਿਚ ਤੁਹਾਨੂੰ ਘਰ ਦੇ ਆਸਪਾਸ ਕਬੂਤਰ ਦੀ ਹੌਲੀ ਅਤੇ ਸਪੱਸ਼ਟ ਗੁਟਰਗੂੰ (ਕੁਟਰ-ਕੁਟਰ) ਸੁਣਾਈ ਦਿੰਦੀ ਹੈ, ਤਾਂ ਇਹ ਇਸ ਗੱਲ ਦਾ ਸੰਕੇਤ ਹੈ ਕਿ ਤੁਹਾਡੀ ਜ਼ਿੰਦਗੀ ਵਿਚ ਚੱਲ ਰਹੀ ਆਰਥਿਕ ਤੰਗੀ ਜਲਦੀ ਦੂਰ ਹੋਣ ਵਾਲੀ ਹੈ।
– ਇਹ ਧੁਨੀ ਤੁਹਾਡੇ ਰੁਕੇ ਹੋਏ ਕੰਮਾਂ ਦੇ ਰਫ਼ਤਾਰ ਫੜਨ ਅਤੇ ਵਪਾਰ ਵਿਚ ਅਚਾਨਕ ਲਾਭ ਹੋਣ ਦਾ ਪੂਰਵ ਆਭਾਸ ਕਰਾਉਂਦੀ ਹੈ। ਪ੍ਰਾਚੀਨ ਮਾਨਤਾਵਾਂ ਦੇ ਅਨੁਸਾਰ, ਜਿਸ ਘਰ ਵਿਚ ਪੰਛੀਆਂ ਦਾ ਨਿਯਮਿਤ ਅਤੇ ਸੁਹਜ ਆਉਣ-ਜਾਣ ਬਣਿਆ ਰਹਿੰਦਾ ਹੈ, ਉਸ ਘਰ ਦਾ ਵਾਤਾਵਰਣ ਨਕਾਰਾਤਮਕ ਸ਼ਕਤੀਆਂ ਤੋਂ ਮੁਕਤ ਰਹਿੰਦਾ ਹੈ।
ਘਰ ਵਿਚ ਆਲ੍ਹਣਾ (ਘੋਸਲਾ) ਬਣਾਉਣਾ
ਕਬੂਤਰ ਦਾ ਘਰ ਵਿਚ ਆ ਕੇ ਦਾਣਾ ਚੁਗਣਾ ਜਿੰਨਾ ਸੁਖਦ ਮੰਨਿਆ ਜਾਂਦਾ ਹੈ, ਘਰ ਦੇ ਅੰਦਰ ਉਸਦਾ ਸਥਾਈ ਟਿਕਾਣਾ ਬਣਾ ਲੈਣਾ ਵਾਸਤੂ ਸ਼ਾਸਤਰ ਅਤੇ ਨਾਰਦ ਸੰਹਿਤਾ ਦੋਵਾਂ ਦੀ ਨਜ਼ਰ ਤੋਂ ਵਿਚਾਰਣ ਯੋਗ ਵਿਸ਼ਾ ਹੈ। ਨਾਰਦ ਸੰਹਿਤਾ ਦੇ ਸ਼ਕੁਨ ਪ੍ਰਕਰਣ ਵਿਚ ਸਪੱਸ਼ਟ ਤੌਰ ‘ਤੇ ਜ਼ਿਕਰ ਕੀਤਾ ਗਿਆ ਹੈ ਕਿ ਜੇਕਰ ਕਪੋਤ ਕਿਸੇ ਗ੍ਰਹਿਸਥ (ਘਰ) ਦੇ ਅੰਦਰੂਨੀ ਹਿੱਸੇ ਜਿਵੇਂ ਅਲਮਾਰੀ ਦੇ ਉੱਪਰ, ਖਿੜਕੀ ਦੇ ਸ਼ੀਸ਼ੇ ਦੇ ਪਿੱਛੇ ਜਾਂ ਬਾਲਕੋਨੀ ਦੇ ਸ਼ੈੱਡ ਵਿਚ ਆਪਣਾ ਨੀੜ (ਆਲ੍ਹਣਾ/ਘੋਸਲਾ) ਬਣਾ ਕੇ ਅੰਡੇ ਦਿੰਦਾ ਹੈ, ਤਾਂ ਉੱਥੇ ਦਰਿੱਦਰਤਾ (ਗ਼ਰੀਬੀ) ਅਤੇ ਮਾਨਸਿਕ ਅਸ਼ਾਂਤੀ ਪਨਪਣੀ ਸ਼ੁਰੂ ਹੋ ਜਾਂਦੀ ਹੈ।
ਇਸ ਦੇ ਪਿੱਛੇ ਦਾ ਵਿਹਾਰਕ ਅਤੇ ਵਾਸਤੂ ਸਬੰਧੀ ਕਾਰਨ ਬਹੁਤ ਸਿੱਧਾ ਹੈ। ਕਬੂਤਰ ਆਪਣੇ ਆਲ੍ਹਣੇ ਲਈ ਸੁੱਕੇ ਤ੍ਰਿਣ (ਤੂੜੀ), ਜਾਲੇ ਅਤੇ ਗੰਦਗੀ ਇਕੱਠਾ ਕਰਦਾ ਹੈ। ਵਾਸਤੂ ਸ਼ਾਸਤਰ ਦੇ ਅਨੁਸਾਰ, ਘਰ ਦੇ ਕਿਸੇ ਕੋਨੇ ਵਿਚ ਤ੍ਰਿਣਾਂ ਅਤੇ ਗੰਦਗੀ ਦਾ ਇਕੱਠਾ ਹੋਣਾ ਰਾਹੁ ਅਤੇ ਸ਼ਨੀ ਦੇ ਨਕਾਰਾਤਮਕ ਪ੍ਰਭਾਵ ਨੂੰ ਸੱਦਾ ਦਿੰਦਾ ਹੈ।
ਜਦੋਂ ਘਰ ਵਿਚ ਰਾਹੁ ਦਾ ਪ੍ਰਭਾਵ ਵਧਦਾ ਹੈ, ਤਾਂ ਘਰ ਦੇ ਮੈਂਬਰਾਂ ਦੀ ਫੈਸਲਾ ਲੈਣ ਦੀ ਸਮਰੱਥਾ ਪ੍ਰਭਾਵਿਤ ਹੋਣ ਲੱਗਦੀ ਹੈ। ਬਣਦੇ ਕੰਮ ਆਖਰੀ ਪਲਾਂ ਵਿਚ ਵਿਗੜਨ ਲੱਗਦੇ ਹਨ, ਅਤੇ ਘਰ ਵਿਚ ਬਿਨਾਂ ਕਾਰਨ ਹੀ ਬੇਹੂਦਾ (ਫਜ਼ੂਲ) ਖ਼ਰਚੇ ਵਧਣ ਲੱਗਦੇ ਹਨ। ਇਸੇ ਕਾਰਨ ਪ੍ਰਾਚੀਨ ਗ੍ਰੰਥਾਂ ਵਿਚ ਘਰ ਦੇ ਅੰਦਰ ਕਬੂਤਰ ਦੇ ਆਲ੍ਹਣੇ ਨੂੰ ਆਰਥਿਕ ਅਸਥਿਰਤਾ ਦਾ ਸੂਚਕ ਮੰਨਿਆ ਗਿਆ ਹੈ।
EDITED BY- HARLEEN KAUR
