ਰਾਤ ਨੂੰ ਅਚਾਨਕ ਕਿਉਂ ਖੁੱਲ੍ਹ ਜਾਂਦੀ ਹੈ ਨੀਂਦ ?

ਰਾਤ ਨੂੰ ਵਾਰ-ਵਾਰ ਨੀਂਦ ਖੁੱਲ੍ਹਣ ਦੀ ਸਭ ਤੋਂ ਵੱਡੀ ਵਜ੍ਹਾ ਤਣਾਅ ਅਤੇ ਚਿੰਤਾ ਹੁੰਦੀ ਹੈ। ਵਿਅਕਤੀ ਤਣਾਅ ਕਾਰਨ ਰਾਤ ਨੂੰ ਠੀਕ ਤਰ੍ਹਾਂ ਸੌਂ ਨਹੀਂ ਪਾਉਂਦਾ ਅਤੇ ਨੀਂਦ ਆਉਣ ਤੋਂ ਬਾਅਦ ਵੀ ਵਾਰ-ਵਾਰ ਚਿੰਤਾ ਕਾਰਨ ਜਾਗ ਜਾਂਦਾ ਹੈ। ਇਸ ਤੋਂ ਇਲਾਵਾ ਕਈ ਵਾਰ ਗਲਤ ਤਕੀਆ ਜਾਂ ਸੌਣ ਦੀ ਅਸੁਵਿਧਾਜਨਕ ਜਗ੍ਹਾ ਕਾਰਨ ਵੀ ਨੀਂਦ ਵਿੱਚ ਰੁਕਾਵਟ ਆ ਸਕਦੀ ਹੈ। ਕੁਝ ਹਾਲਾਤਾਂ ਵਿੱਚ ਅਨਿਦਰਾ ਅਤੇ ਸਲੀਪ ਐਪਨੀਆ ਕਾਰਨ ਵੀ ਰਾਤ ਨੂੰ ਨੀਂਦ ਖੁੱਲ੍ਹ ਜਾਂਦੀ ਹੈ।

ਕੀ ਹੈ ਅਨਿਦਰਾ?

ਰਾਤ ਨੂੰ ਵਾਰ-ਵਾਰ ਨੀਂਦ ਖੁੱਲ੍ਹਣਾ, ਨੀਂਦ ਖੁੱਲ੍ਹਣ ਤੋਂ ਬਾਅਦ ਮੁੜ ਨੀਂਦ ਨਾ ਆਉਣਾ, ਸਵੇਰ ਹੋਣ ਤੋਂ ਪਹਿਲਾਂ ਹੀ ਨੀਂਦ ਖੁੱਲ੍ਹ ਜਾਣਾ ਜਾਂ ਪੂਰੀ ਰਾਤ ਨੀਂਦ ਨਾ ਆਉਣਾ ਅਨਿਦਰਾ ਦੇ ਲੱਛਣ ਹੋ ਸਕਦੇ ਹਨ। ਇਸ ਕਾਰਨ ਵਿਅਕਤੀ ਨੂੰ ਦਿਨ ਭਰ ਥਕਾਵਟ ਅਤੇ ਚਿੜਚਿੜਾਪਣ ਮਹਿਸੂਸ ਹੋ ਸਕਦਾ ਹੈ।

ਸਲੀਪ ਐਪਨੀਆ ਕੀ ਹੈ?

ਸਲੀਪ ਐਪਨੀਆ ਵਿੱਚ ਵਿਅਕਤੀ ਦੇ ਸੌਂਦੇ ਸਮੇਂ ਸਾਹ ਰੁਕਣ, ਖਰਾਟੇ ਲੈਣ ਅਤੇ ਘੁੱਟਣ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਕਈ ਵਾਰ ਵਿਅਕਤੀ ਨੂੰ ਖੁਦ ਇਸ ਸਮੱਸਿਆ ਬਾਰੇ ਪਤਾ ਨਹੀਂ ਲੱਗਦਾ, ਸਗੋਂ ਪਰਿਵਾਰ ਦੇ ਮੈਂਬਰ ਇਸ ਨੂੰ ਪਛਾਣਦੇ ਹਨ। ਸਲੀਪ ਐਪਨੀਆ ਕਾਰਨ ਵਿਅਕਤੀ ਰਾਤ ਨੂੰ ਅਚਾਨਕ ਜਾਗ ਸਕਦਾ ਹੈ ਜਾਂ ਸਾਹ ਰੁਕਣ ਕਾਰਨ ਘਬਰਾਹਟ ਮਹਿਸੂਸ ਕਰਦੇ ਹੋਏ ਨੀਂਦ ਵਿੱਚ ਪਰੇਸ਼ਾਨ ਹੋ ਸਕਦਾ ਹੈ।

 ਚੰਗੀ ਨੀਂਦ ਕਿਵੇਂ ਲਵੋ?

ਰਾਤ ਨੂੰ ਚੰਗੀ ਨੀਂਦ ਲੈਣ ਲਈ ਸਭ ਤੋਂ ਜ਼ਰੂਰੀ ਹੈ ਸਰਗਰਮ ਜੀਵਨਸ਼ੈਲੀ। ਦਿਨ ਭਰ ਦੀ ਰੁਟੀਨ ਸਹੀ ਹੋਣ ਨਾਲ ਰਾਤ ਨੂੰ ਆਸਾਨੀ ਨਾਲ ਨੀਂਦ ਆ ਸਕਦੀ ਹੈ। ਸੌਣ ਤੋਂ ਪਹਿਲਾਂ ਮੋਬਾਈਲ ਜਾਂ ਲੈਪਟਾਪ ਵਰਗੇ ਕਿਸੇ ਵੀ ਗੈਜੇਟ ਦੀ ਵਰਤੋਂ ਨਾ ਕਰੋ, ਕਿਉਂਕਿ ਇਹ ਤੁਹਾਡੀ ਨੀਂਦ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ।

ਤੁਸੀਂ ਸੌਣ ਤੋਂ ਪਹਿਲਾਂ ਕਿਤਾਬ ਪੜ੍ਹ ਸਕਦੇ ਹੋ, ਹੌਲਾ ਸੰਗੀਤ ਸੁਣ ਸਕਦੇ ਹੋ ਜਾਂ ਆਪਣੀ ਪਸੰਦ ਦਾ ਕੋਈ ਹੋਰ ਸ਼ਾਂਤ ਕੰਮ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਸੌਣ ਲਈ ਤੁਹਾਡੀ ਜਗ੍ਹਾ ਵੀ ਆਰਾਮਦਾਇਕ ਹੋਣੀ ਚਾਹੀਦੀ ਹੈ। ਗਲਤ ਤਕੀਏ ਜਾਂ ਗੱਦੇ ਕਾਰਨ ਸਰੀਰ ਨੂੰ ਸੌਣ ਵਿੱਚ ਦਿੱਕਤ ਹੋ ਸਕਦੀ ਹੈ। ਇਸ ਲਈ ਆਰਾਮਦਾਇਕ ਗੱਦੇ ਅਤੇ ਤਕੀਏ ਦੀ ਚੋਣ ਕਰਨਾ ਚੰਗੀ ਨੀਂਦ ਲਈ ਫਾਇਦੇਮੰਦ ਹੋ ਸਕਦਾ ਹੈ।

EDITED BY- HARLEEN KAUR