ਸਰਦੀਆਂ ‘ਚ ਗਲਿਸਰਿਨ ਨਾਲ ਮਿਲਾ ਕੇ ਲਗਾਓ ਇਹ 3 ਚੀਜ਼ਾਂ, ਚਿਹਰੇ ‘ਤੇ ਆਵੇਗਾ ਨਿਖਾਰ ਤੇ ਸੁੱਕਾਪਣ ਹੋਵੇਗਾ ਦੂਰ
ਸਰਦੀਆਂ ਦੇ ਮੌਸਮ ‘ਚ ਠੰਡੀ ਹਵਾਵਾਂ ਤੇ ਘੱਟ ਨਮੀ ਸਾਡੀ ਤਵਚਾ ਦੀ ਕੁਦਰਤੀ ਨਮੀ (moisture) ਖਤਮ ਕਰ ਦਿੰਦੀ ਹੈ, ਜਿਸ ਕਰਕੇ ਚਮੜੀ ਸੁੱਕੀ ਤੇ ਬੇਜਾਨ ਹੋ ਜਾਂਦੀ ਹੈ। ਅਜਿਹੇ ਸਮੇਂ ਲੋਕ ਆਪਣੀ ਤਵਚਾ ਨੂੰ ਨਰਮ ਤੇ ਚਮਕਦਾਰ ਬਣਾਈ ਰੱਖਣ ਲਈ ਕਈ ਤਰ੍ਹਾਂ ਦੇ ਪ੍ਰੋਡਕਟ ਵਰਤਦੇ ਹਨ, ਪਰ ਅਕਸਰ ਮਨਚਾਹੇ ਨਤੀਜੇ ਨਹੀਂ ਮਿਲਦੇ। ਜੇ ਤੁਸੀਂ ਵੀ ਡਰਾਈ ਸਕਿਨ ਤੇ ਗਲੋ ਦੀ ਕਮੀ ਨਾਲ ਪਰੇਸ਼ਾਨ ਹੋ, ਤਾਂ ਹੁਣ ਚਿੰਤਾ ਕਰਨ ਦੀ ਲੋੜ ਨਹੀਂ। ਗਲਿਸਰਿਨ ਤੁਹਾਡੀ ਇਸ ਸਮੱਸਿਆ ਦਾ ਸਭ ਤੋਂ ਆਸਾਨ ਤੇ ਅਸਰਦਾਰ ਹੱਲ ਹੋ ਸਕਦੀ ਹੈ। ਆਓ ਜਾਣਦੇ ਹਾਂ ਕਿ ਸਰਦੀਆਂ ਵਿੱਚ ਗਲਿਸਰਿਨ ਦਾ ਸਹੀ ਤਰੀਕੇ ਨਾਲ ਕਿਵੇਂ ਇਸਤੇਮਾਲ ਕੀਤਾ ਜਾਵੇ ਤਾਂ ਜੋ ਤੁਹਾਡੀ ਤਵਚਾ ਨਰਮ, ਸਿਹਤਮੰਦ ਤੇ ਚਮਕਦਾਰ ਰਹੇ।
ਇਨ੍ਹਾਂ ਚੀਜ਼ਾਂ ਦੀ ਪਵੇਗੀ ਲੋੜ
ਜੇ ਤੁਸੀਂ ਸਰਦੀਆਂ ‘ਚ ਤਵਚਾ ਦੀ ਸੁੱਕਾਪਣ ਅਤੇ ਬੇਜਾਨ ਚਮੜੀ ਨਾਲ ਪਰੇਸ਼ਾਨ ਹੋ ਜਾਂਦੇ ਹੋ, ਤਾਂ ਤੁਸੀਂ ਇਹ ਮਾਸਕ ਅਪਣਾ ਸਕਦੇ ਹੋ। ਇਸ ਲਈ ਤੁਹਾਨੂੰ ਕੁਝ ਹੀ ਚੀਜ਼ਾਂ ਦੀ ਲੋੜ ਹੋਵੇਗੀ – ਜਿਵੇਂ ਕਿ ਗਲਿਸਰਿਨ, ਐਲੋਵਿਰਾ ਜੈਲ ਅਤੇ ਵਿਟਾਮਿਨ E ਦਾ ਕੈਪਸੂਲ।
ਇਸ ਤਰ੍ਹਾਂ ਬਣਾਓ ਫੇਸ ਮਾਸਕ
ਸਰਦੀਆਂ ਵਿੱਚ ਫੇਸ ਮਾਸਕ ਬਣਾਉਣ ਲਈ ਸਭ ਤੋਂ ਪਹਿਲਾਂ ਇੱਕ ਕਟੋਰੇ ਵਿੱਚ 3-4 ਚਮਚ ਗਲਿਸਰਿਨ ਪਾਓ। ਇਸ ਤੋਂ ਬਾਅਦ ਇਸ ਵਿੱਚ 1 ਚਮਚ ਐਲੋਵਿਰਾ ਜੈਲ ਮਿਲਾਓ। ਨਾਲ ਹੀ ਵਿਟਾਮਿਨ E ਦਾ ਕੈਪਸੂਲ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰੋ ਤੇ ਇੱਕ ਪੇਸਟ ਤਿਆਰ ਕਰੋ। ਪੇਸਟ ਤਿਆਰ ਹੋਣ ਤੋਂ ਬਾਅਦ ਇਸਨੂੰ ਚੰਗੀ ਤਰ੍ਹਾਂ ਹਿਲਾਓ। ਬਸ, ਇਸ ਤਰੀਕੇ ਨਾਲ ਤੁਹਾਡਾ ਫੇਸ ਮਾਸਕ ਤਿਆਰ ਹੋ ਜਾਵੇਗਾ।
ਇਸ ਤਰ੍ਹਾਂ ਕਰੋ ਇਸਤੇਮਾਲ
ਇਹ ਫੇਸ ਮਾਸਕ ਲਗਾਉਣ ਲਈ ਸਭ ਤੋਂ ਪਹਿਲਾਂ ਆਪਣਾ ਚਿਹਰਾ ਧੋ ਲਓ। ਇਸ ਤੋਂ ਬਾਅਦ ਇਹ ਮਾਸਕ ਚਿਹਰੇ ‘ਤੇ ਲਗਾਓ ਤੇ ਘੱਟੋ-ਘੱਟ 15-20 ਮਿੰਟ ਲਈ ਸੁੱਕਣ ਦਿਓ। ਜਦੋਂ ਮਾਸਕ ਸੁੱਕ ਜਾਵੇ, ਤਾਂ ਇਸਨੂੰ ਪਾਣੀ ਨਾਲ ਧੋ ਲਓ। ਇਸ ਪ੍ਰਕਿਰਿਆ ਨੂੰ ਤੁਸੀਂ ਹਫ਼ਤੇ ਵਿੱਚ ਇੱਕ ਤੋਂ ਦੋ ਵਾਰ ਦੁਹਰਾ ਸਕਦੇ ਹੋ, ਜਿਸ ਨਾਲ ਤੁਹਾਡੀ ਤਵਚਾ ਨਮੀ ਵਾਲੀ (ਮੌਇਸਚਰਾਈਜ਼ਡ) ਤੇ ਚਮਕਦਾਰ ਰਹੇਗੀ।
EDITED BY- HARLEEN KAUR
