Fertility ਦਾ ਮਤਲਬ ਹੈ ਸਰੀਰ ਦੀ ਨੈਚੂਰਲ ਸਮਰੱਥਾ ਗਰਭ ਧਾਰਣ ਕਰਨ ਅਤੇ ਬੱਚਾ ਪੈਦਾ ਕਰਨ ਦੀ। ਉਮਰ, ਜੈਨੇਟਿਕਸ ਅਤੇ ਵੱਖ-ਵੱਖ ਡਾਕਟਰੀ ਸਥਿਤੀਆਂ ਇਸ ਨੂੰ ਪ੍ਰਭਾਵਿਤ ਕਰਦੀਆਂ ਹਨ। ਪਰ ਬਹੁਤ ਸਾਰੀਆਂ ਅਜਿਹੀਆਂ ਚੀਜ਼ਾਂ ਹਨ, ਜਿਸ ਕਰਕੇ ਬਾਂਝਪਨ ਹੋ ਸਕਦਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਜਿਨ੍ਹਾਂ ਚੀਜ਼ਾਂ ਕਰਕੇ ਬਾਂਝਪਨ ਹੋ ਸਕਦਾ ਹੈ।
ਕੁਝ ਮਹੱਤਵਪੂਰਨ ਕਾਰਕ ਜੋ ਗਰਭ ਧਾਰਨ ਦੀ ਸਮਰੱਥਾ ਨੂੰ ਕਮਜ਼ੋਰ ਕਰਦੇ ਹਨ, ਵਿੱਚ ਸ਼ਾਮਲ ਹਨ:
ਉਮਰ – 35 ਸਾਲ ਦੀ ਉਮਰ ਤੋਂ ਬਾਅਦ ਉਪਜਾਊ ਸ਼ਕਤੀ ਤੇਜ਼ੀ ਨਾਲ ਘਟਣੀ ਸ਼ੁਰੂ ਹੋ ਜਾਂਦੀ ਹੈ।
ਸਿਗਰਟ – ਸਿਗਰਟ ਨਾ ਸਿਰਫ਼ ਬਾਂਝਪਨ ਨੂੰ ਵਧਾਉਂਦੀ ਹੈ ਬਲਕਿ ਗਰਭਪਾਤ ਦੇ ਜੋਖਮ ਨੂੰ ਵੀ ਦੁੱਗਣਾ ਕਰ ਦਿੰਦੀ ਹੈ।
ਮੋਟਾਪਾ – ਬਹੁਤ ਜ਼ਿਆਦਾ ਭਾਰ ਹਾਰਮੋਨਲ ਸੰਤੁਲਨ ਨੂੰ ਵਿਗਾੜਦਾ ਹੈ ਅਤੇ ਗਰਭ ਧਾਰਨ ਨੂੰ ਮੁਸ਼ਕਲ ਬਣਾਉਂਦਾ ਹੈ।
ਸ਼ਰਾਬ – ਨਿਯਮਤ ਸ਼ਰਾਬ ਦਾ ਸੇਵਨ ਵੀ ਉਪਜਾਊ ਸ਼ਕਤੀ ਨੂੰ ਪ੍ਰਭਾਵਿਤ ਕਰਦਾ ਹੈ।
ਖੁਰਾਕ – ਪੋਸ਼ਣ ਸੰਬੰਧੀ ਕਮੀਆਂ ਜਾਂ ਖਾਣ-ਪੀਣ ਦੀਆਂ ਵਿਕਾਰ ਗਰਭ ਧਾਰਨ ਵਿੱਚ ਰੁਕਾਵਟ ਪਾ ਸਕਦੇ ਹਨ।
ਤਣਾਅ – ਬਹੁਤ ਜ਼ਿਆਦਾ ਮਾਨਸਿਕ ਅਤੇ ਸਰੀਰਕ ਤਣਾਅ ਉਪਜਾਊ ਸ਼ਕਤੀ ਨੂੰ ਕਮਜ਼ੋਰ ਕਰਦਾ ਹੈ।
ਫਾਸਟ ਫੂਡ ਅਤੇ ਫਰਟੀਲਿਟੀ
ਇਨ੍ਹਾਂ ਸਾਰੇ ਕਾਰਨਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਹੋਇਆਂ ਇਹ ਸਪੱਸ਼ਟ ਹੈ ਕਿ ਫਾਸਟ ਫੂਡ ਦਾ ਔਰਤਾਂ ਦੀ ਉਪਜਾਊ ਸ਼ਕਤੀ ‘ਤੇ ਮਾੜਾ ਅਸਰ ਪੈਂਦਾ ਹੈ। ਨਿਯਮਿਤ ਤੌਰ ‘ਤੇ ਫਾਸਟ ਫੂਡ ਖਾਣ ਨਾਲ ਭਾਰ ਵਧਦਾ ਹੈ ਅਤੇ ਸਰੀਰ ਨੂੰ ਜ਼ਰੂਰੀ ਪੌਸ਼ਟਿਕ ਤੱਤਾਂ ਤੋਂ ਵਾਂਝਾ ਕਰ ਦਿੱਤਾ ਜਾਂਦਾ ਹੈ, ਜਿਸ ਨਾਲ ਗਰਭ ਧਾਰਨ ਦੀ ਸੰਭਾਵਨਾ ਘੱਟ ਜਾਂਦੀ ਹੈ।
EDITED BY- HARLEEN KAUR
