ਜਲੰਧਰ ਦੇ ਫਿਲੌਰ ਨੇੜੇ ਖਰਾਬ ਸੜਕ ਕਾਰਨ ਅੱਧੀ ਰਾਤ ਨੂੰ ਹੋਏ ਇਕ ਦੁਰਘਟਨਾ ਵਿੱਚ ਇੱਕ ਔਰਤ ਦੀ ਮੌਤ ਹੋ ਗਈ। ਇਸ ਨਾਲ ਗੁੱਸਾਏ ਲੋਕ ਸੜਕ ਤੇ ਉਤਰ ਕੇ ਹੰਗਾਮਾ ਕਰਨ ਲੱਗੇ ਅਤੇ ਜ਼ਿੰਮੇਵਾਰ ਅਧਿਕਾਰੀਆਂ ਖ਼ਿਲਾਫ ਕਾਰਵਾਈ ਦੀ ਮੰਗ ਕੀਤੀ। ਲੋਕਾਂ ਨੂੰ ਸ਼ਾਂਤ ਕਰਨ ਲਈ ਫਿਲੌਰ ਪੁਲਿਸ ਪਹੁੰਚੀ, ਪਰ ਫਿਰ ਵੀ ਲੋਕ ਨਹੀਂ ਮੰਨੇ ਤਾਂ ਮਾਮਲਾ ਪ੍ਰਸ਼ਾਸਨ ਕੋਲ ਪਹੁੰਚਿਆ।
ਖਰਾਬ ਸੜਕ ਕਾਰਨ ਹੋਏ ਇਸ ਹਾਦਸੇ ਦੇ ਚੱਲਦੇ ਫਿਲੌਰ ਦੇ ਬੀਡੀਪੀਓ (ਬਲਾਕ ਡਿਵੈਲਪਮੈਂਟ ਅਧਿਕਾਰੀ) ਨੂੰ ਸਸਪੈਂਡ ਕਰ ਦਿੱਤਾ ਗਿਆ। ਔਰਤ ਦੀ ਲਾਸ਼ ਨੂੰ ਫਿਲੌਰ ਪੁਲਿਸ ਨੇ ਰਾਤ ਦੇ ਸਮੇਂ ਹੀ ਹਸਪਤਾਲ ਪੋਸਟਮਾਰਟਮ ਲਈ ਭੇਜਿਆ। ਅਜੇ ਤੱਕ ਔਰਤ ਦੀ ਪਹਿਚਾਣ ਨਹੀਂ ਹੋਈ ਹੈ। ਬਾਈਕ ਚਲਾ ਰਹੇ ਔਰਤ ਦੇ ਪੁੱਤਰ ਨੂੰ ਹਲਕੀ ਸੱਟਾਂ ਆਈਆਂ ਹਨ ਅਤੇ ਉਹ ਸੁਰੱਖਿਅਤ ਹੈ।
ਹਾਦਸਾ ਨਵਾਂ ਸ਼ਹਿਰ ਰੋਡ ਨੇੜੇ ਪਿੰਡ ਨਗਰ ਵਿੱਚ ਵਾਪਰਿਆ। ਔਰਤ ਆਪਣੇ ਪੁੱਤਰ ਨਾਲ ਬਾਈਕ ‘ਤੇ ਜਾ ਰਹੀ ਸੀ। ਇਸ ਦੌਰਾਨ ਸੜਕ ‘ਤੇ ਪਾਣੀ ਖੜਾ ਹੋਣ ਕਾਰਨ ਬਾਈਕ ਫਿਸਲ ਗਈ। ਇਸ ਨਾਲ ਔਰਤ ਸੜਕ ‘ਤੇ ਡਿੱਗੀ ਅਤੇ ਉਸ ਦੇ ਸਿਰ ਦੇ ਉੱਪਰੋਂ ਟਰੱਕ ਦਾ ਟਾਇਰ ਲੰਘ ਗਿਆ। ਇਸ ਘਟਨਾ ਵਿੱਚ ਔਰਤ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਇਸ ਘਟਨਾ ਦੇ ਕਾਰਨ ਪਿੰਡ ਦੇ ਵਾਸੀਆਂ ਨੇ ਸੜਕ ‘ਤੇ ਉਤਰ ਕੇ ਹੰਗਾਮਾ ਸ਼ੁਰੂ ਕਰ ਦਿੱਤਾ। ਰਾਤ 11 ਵਜੇ ਪਿੰਡ ਵਾਸੀਆਂ ਨੇ ਅਪਰਾ ਤੋਂ ਫਿਲੌਰ ਤੱਕ ਨਵਾਂ ਸ਼ਹਿਰ ਰੋਡ ਬੰਦ ਕਰ ਦਿੱਤਾ ਗਿਆ। ਇਸ ਕਾਰਨ ਲੰਬਾ ਜਾਮ ਲੱਗ ਗਿਆ, ਜਿਸ ਨੂੰ ਖੋਲ੍ਹਣ ਵਿੱਚ ਪੁਲਿਸ ਨੂੰ ਘੰਟੇ ਲੱਗੇ।
ਲੋਕਾਂ ਨੇ ਮੰਗ ਕੀਤੀ ਕਿ ਉਹਨਾਂ ਦੀ ਸਮੱਸਿਆ ਦਾ ਹੱਲ ਕੀਤਾ ਜਾਵੇ ਅਤੇ ਸੜਕ ਬਣਾਈ ਜਾਵੇ। ਲੋਕਾਂ ਨੇ ਕਿਹਾ ਕਿ ਇੱਥੇ ਪਾਣੀ ਖੜਾ ਹੋਣ ਦੀ ਸਮੱਸਿਆ ਵਾਰ-ਵਾਰ BDPO ਨੂੰ ਦੱਸੀ ਗਈ ਸੀ, ਪਰ ਉਹਨਾਂ ਨੇ ਧਿਆਨ ਨਹੀਂ ਦਿੱਤਾ, ਜਿਸ ਕਾਰਨ ਅੱਜ ਇਹ ਹਾਦਸਾ ਹੋਇਆ। ਇਸ ਤੋਂ ਬਾਅਦ ਪ੍ਰਸ਼ਾਸਨ ਨੇ BDPO ਨੂੰ ਸਸਪੈਂਡ ਕਰ ਦਿੱਤਾ।
EDITED BY- HARLEEN KAUR
