ਮਹਾਸ਼ਿਵਰਾਤਰੀ ਦਾ ਪਵਿੱਤਰ ਤਿਉਹਾਰ ਹਰ ਸਾਲ ਦੇਸ਼ ਭਰ ਵਿੱਚ ਬਹੁਤ ਸ਼ਰਧਾ ਨਾਲ ਮਨਾਇਆ ਜਾਂਦਾ ਹੈ। ਇਸ ਦਿਨ ਸਾਰੇ ਸਰਕਾਰੀ ਅਦਾਰੇ ਅਤੇ ਸਕੂਲ ਵੀ ਬੰਦ ਰਹਿੰਦੇ ਹਨ। ਇਸ ਸਾਲ ਮਹਾਸ਼ਿਵਰਾਤਰੀ ਕਦੋਂ ਹੈ ਅਤੇ ਕੀ ਇਸ ਦਿਨ ਸਕੂਲ ਬੰਦ ਰਹਿਣਗੇ? ਇਹ ਸਵਾਲ ਬਹੁਤ ਸਾਰੇ ਬੱਚਿਆਂ ਅਤੇ ਉਨ੍ਹਾਂ ਦੇ ਮਾਪਿਆਂ ਦੇ ਮਨ ਵਿੱਚ ਆ ਰਿਹਾ ਹੈ। ਦਰਅਸਲ, ਕੀ ਇਸ ਸਾਲ ਮਹਾਸ਼ਿਵਰਾਤਰੀ 15 ਫਰਵਰੀ ਨੂੰ ਹੈ ਜਾਂ 16 ਤਰੀਕ ਨੂੰ… ਇਸ ਬਾਰੇ ਲੋਕਾਂ ਦੇ ਮਨਾਂ ਵਿੱਚ ਬਹੁਤ ਉਲਝਣ ਹੈ। ਅੱਜ ਅਸੀਂ ਇਸ ਉਲਝਣ ਨੂੰ ਦੂਰ ਕਰਨ ਜਾ ਰਹੇ ਹਾਂ। ਇਸ ਸਾਲ, ਮਹਾਸ਼ਿਵਰਾਤਰੀ ਦੇਸ਼ ਭਰ ਵਿੱਚ 15 ਫਰਵਰੀ ਨੂੰ ਮਨਾਈ ਜਾਵੇਗੀ ਅਤੇ 15 ਫਰਵਰੀ ਐਤਵਾਰ ਹੈ। ਇਸ ਲਈ, ਇਸ ਦਿਨ ਸਕੂਲ ਬੰਦ ਰਹਿਣਗੇ।
16 ਫਰਵਰੀ (ਸੋਮਵਾਰ) ਨੂੰ ਕੋਈ ਸਰਕਾਰੀ ਛੁੱਟੀ ਨਹੀਂ ਹੈ ਅਤੇ ਸਾਰੇ ਅਦਾਰੇ ਆਮ ਵਾਂਗ ਖੁੱਲ੍ਹਣਗੇ। ਹਾਲਾਂਕਿ, ਜਿਹੜੇ ਸ਼ਰਧਾਲੂ ਵਰਤ ਰੱਖਣਗੇ, ਉਹ 16 ਫਰਵਰੀ ਦੀ ਸਵੇਰ ਨੂੰ ਆਪਣਾ ਵਰਤ ਖੋਲ੍ਹਣਗੇ।
ਇਸਦੇ ਨਾਲ ਹੀ ਦੱਸ ਦੇਈਏ ਕਿ ਸਕੂਲਾਂ ਵਿੱਚ ਅੱਜ ਦੂਜੇ ਸ਼ਨੀਵਾਰ ਦੀ ਵੀ ਛੁੱਟੀ ਹੈ। ਜਿਸਦੇ ਚੱਲਦੇ ਸ਼ਨੀਵਾਰ ਅਤੇ ਐਤਵਾਰ ਨੂੰ ਵਿਦਿਆਰਥੀਆਂ ਨੂੰ ਦੋ ਦਿਨਾਂ ਦੀ ਛੁੱਟੀ ਦਾ ਆਨੰਦ ਲੈਣ ਦਾ ਮੌਕਾ ਮਿਲ ਰਿਹਾ।
EDITED BY- HARLEEN KAUR
