ਭਾਰਤ ਵਿਚ ਆਮ ਤੌਰ ‘ਤੇ ਬਲੱਡ ਪ੍ਰੈਸ਼ਰ ਦੀ ਜਾਂਚ ਕਰਾਉਣ ਦਾ ਰੁਝਾਨ ਉਦੋਂ ਤੱਕ ਨਹੀਂ ਹੁੰਦਾ, ਜਦੋਂ ਤੱਕ ਕੋਈ ਬੀਮਾਰ ਨਾ ਪੈ ਜਾਵੇ। ਰੁਟੀਨ ਚੈਕਅੱਪ ਤੋਂ ਵੀ ਬਹੁਤ ਸਾਰੇ ਲੋਕ ਇਸ ਲਈ ਬਚਦੇ ਹਨ ਕਿਉਂਕਿ ਉਨ੍ਹਾਂ ਨੂੰ ਖ਼ਤਰੇ ਦਾ ਕੋਈ ਲੱਛਣ ਨਜ਼ਰ ਨਹੀਂ ਆਉਂਦਾ, ਪਰ ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਅਜਿਹਾ ਕਰਨਾ ਨੁਕਸਾਨਦੇਹ ਹੋ ਜਾਂਦਾ ਹੈ ਅਤੇ ਕਈ ਵਾਰ ਮਰੀਜ਼ ਨੂੰ ਗੰਭੀਰ ਖ਼ਮੀਆਜ਼ਾ ਭੁਗਤਣਾ ਪੈਂਦਾ ਹੈ। ਖਾਸ ਤੌਰ ‘ਤੇ ਹਾਈ ਬੀਪੀ ਵਾਲੇ ਮਰੀਜ਼ਾਂ ਨੂੰ ਤਾਂ ਹਰ ਮਹੀਨੇ ਬੀਪੀ ਦੀ ਜਾਂਚ ਕਰਾਉਣੀ ਚਾਹੀਦੀ ਹੈ।
ਡਾਕਟਰਾਂ ਦਾ ਕਹਿਣਾ ਹੈ ਕਿ ਸਾਰੇ ਲੋਕ ਭਾਵੇਂ ਹਰ ਮਹੀਨੇ ਆਪਣੇ ਬਲੱਡ ਪ੍ਰੈਸ਼ਰ ਦੀ ਜਾਂਚ ਨਾ ਕਰਾਉਣ, ਪਰ ਇਨ੍ਹਾਂ ਲੋਕਾਂ ਨੂੰ ਜ਼ਰੂਰ ਆਪਣੇ ਬੀਪੀ ਦੀ ਨਿਗਰਾਨੀ ਕਰਨੀ ਚਾਹੀਦੀ ਹੈ ਤਾਂ ਜੋ ਇਹ ਅਚਾਨਕ ਤੁਹਾਡੇ ਦਿਲ ਜਾਂ ਦਿਮਾਗ਼ ਨੂੰ ਧੋਖਾ ਨਾ ਦੇਵੇ।
ਹਾਈ ਬਲੱਡ ਪ੍ਰੈਸ਼ਰ ਯਾਨੀ ਹਾਈਪਰਟੈਨਸ਼ਨ ਨੂੰ ਅਕਸਰ “ਸਾਈਲੈਂਟ ਕਿਲਰ” ਕਿਹਾ ਜਾਂਦਾ ਹੈ ਕਿਉਂਕਿ ਸ਼ੁਰੂਆਤੀ ਦੌਰ ਵਿੱਚ ਇਸਦੇ ਸਾਫ਼ ਲੱਛਣ ਨਜ਼ਰ ਨਹੀਂ ਆਉਂਦੇ। ਬਹੁਤ ਸਾਰੇ ਲੋਕ ਵਾਰ-ਵਾਰ ਸਿਰ ਦਰਦ ਹੋਣਾ, ਚੱਕਰ ਆਉਣਾ, ਜਲਦੀ ਥਕਾਵਟ ਮਹਿਸੂਸ ਹੋਣਾ, ਧੁੰਦਲਾ ਦਿਸਣਾ, ਸੀਨੇ ਵਿੱਚ ਭਾਰੀਪਣ, ਸਾਹ ਫੂਲਣਾ ਜਾਂ ਬੇਚੈਨੀ ਵਰਗੀਆਂ ਚੀਜ਼ਾਂ ਨੂੰ ਤਣਾਅ, ਨੀਂਦ ਦੀ ਘਾਟ ਜਾਂ ਭੱਜ-ਦੌੜ ਭਰੀ ਲਾਈਫਸਟਾਈਲ ਸਮਝ ਕੇ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ। ਪਰ ਲੰਬੇ ਸਮੇਂ ਤੱਕ ਅਨਕੰਟਰੋਲਡ ਬਲੱਡ ਪ੍ਰੈਸ਼ਰ ਦਿਲ, ਗੁਰਦੇ, ਦਿਮਾਗ਼ ਅਤੇ ਬਲੱਡ ਵੈਸਲਜ਼ ਨੂੰ ਹੌਲੀ-ਹੌਲੀ ਨੁਕਸਾਨ ਪਹੁੰਚਾ ਸਕਦਾ ਹੈ, ਜਿਸ ਨਾਲ ਹਾਰਟ ਅਟੈਕ ਅਤੇ ਸਟ੍ਰੋਕ ਦਾ ਖ਼ਤਰਾ ਵਧ ਜਾਂਦਾ ਹੈ।
ਸਭ ਤੋਂ ਵੱਡੀ ਸਮੱਸਿਆ ਇਹ ਹੈ ਕਿ ਬਹੁਤ ਸਾਰੇ ਲੋਕਾਂ ਨੂੰ ਕੋਈ ਪਰੇਸ਼ਾਨੀ ਮਹਿਸੂਸ ਹੀ ਨਹੀਂ ਹੁੰਦੀ, ਫਿਰ ਵੀ ਉਹਨਾਂ ਦਾ ਬਲੱਡ ਪ੍ਰੈਸ਼ਰ ਵਧਿਆ ਹੋਇਆ ਹੁੰਦਾ ਹੈ। ਇਸ ਲਈ ਜਾਗਰੂਕ ਰਹਿਣਾ ਅਤੇ ਸਮੇਂ-ਸਮੇਂ ‘ਤੇ ਬਲੱਡ ਪ੍ਰੈਸ਼ਰ ਚੈੱਕ ਕਰਾਉਣਾ ਬਹੁਤ ਜ਼ਰੂਰੀ ਹੈ।
ਬੀਪੀ ਦੀ ਜਾਂਚ ਇਹਨਾਂ ਪੰਜ ਲੋਕਾਂ ਲਈ ਬੇਹੱਦ ਜ਼ਰੂਰੀ ਹੈ, ਜਿਨ੍ਹਾਂ ਨੂੰ ਡਾਇਬਟੀਜ਼, ਮੋਟਾਪਾ, ਫੈਮਿਲੀ ਹਿਸਟਰੀ, ਜ਼ਿਆਦਾ ਤਣਾਅ ਜਾਂ ਸਮੋਕਿੰਗ ਦੀ ਆਦਤ ਹੋਵੇ। ਇਹਨਾਂ ਨੂੰ ਹਰ ਮਹੀਨੇ ਆਪਣੇ ਬੀਪੀ ਦੀ ਜਾਂਚ ਕਰਾਉਂਦੇ ਰਹਿਣਾ ਚਾਹੀਦਾ ਹੈ।
ਇਨ੍ਹਾਂ 5 ਲੋਕਾਂ ਨੂੰ ਜ਼ਰੂਰ ਕਰਾਉਣੀ ਚਾਹੀਦੀ ਹੈ ਜਾਂਚ:
1. ਜਿਨ੍ਹਾਂ ਲੋਕਾਂ ਨੂੰ ਡਾਇਬਟੀਜ਼ ਹੈ ਜਾਂ ਸ਼ੱਕਰ ਅਨਕੰਟਰੋਲਡ ਰਹਿੰਦੀ ਹੈ, ਉਹਨਾਂ ਨੂੰ ਆਪਣੇ ਬੀਪੀ ਦੀ ਜਾਂਚ ਹਰ ਹਾਲਤ ਵਿੱਚ ਕਰਵਾਉਣੀ ਚਾਹੀਦੀ ਹੈ।
2. ਜੋ ਲੋਕ ਮੋਟਾਪੇ ਤੋਂ ਗ੍ਰਸਤ ਹਨ ਅਤੇ ਭਾਰ ਵੱਧਿਆ ਹੋਇਆ ਹੈ।
3. ਜਿਨ੍ਹਾਂ ਲੋਕਾਂ ਦੇ ਘਰ ਵਿੱਚ ਕਿਸੇ ਨੂੰ ਹਾਈ ਬੀਪੀ ਦੀ ਸਮੱਸਿਆ ਹੈ, ਉਹਨਾਂ ਨੂੰ ਆਪਣਾ ਬੀਪੀ ਜ਼ਰੂਰ ਚੈੱਕ ਕਰਾਉਣਾ ਚਾਹੀਦਾ ਹੈ। ਕਿਉਂਕਿ ਇਹ ਫੈਮਿਲੀ ਹਿਸਟਰੀ ਤੋਂ ਵੀ ਆਉਂਦਾ ਹੈ।
4. ਰੋਜ਼ਾਨਾ ਦੀ ਜ਼ਿੰਦਗੀ ਵਿੱਚ ਅਤਿਅਧਿਕ ਤਣਾਅ ਲੈਣ ਵਾਲੇ ਲੋਕਾਂ ਨੂੰ ਆਪਣੇ ਬੀਪੀ ਦੀ ਜਾਂਚ ਅਕਸਰ ਕਰਾਉਣੀ ਚਾਹੀਦੀ ਹੈ। ਕਈ ਵਾਰ ਤਣਾਅ ਬੀਪੀ ਨੂੰ ਵਧਾ ਕੇ ਜਾਨਲੇਵਾ ਬਣਾ ਦਿੰਦਾ ਹੈ।
5. ਜੋ ਲੋਕ ਸਮੋਕਿੰਗ ਕਰਦੇ ਹਨ, ਸ਼ਰਾਬ ਪੀਂਦੇ ਹਨ ਜਾਂ ਤੰਬਾਕੂ ਉਤਪਾਦਾਂ ਦਾ ਸੇਵਨ ਕਰਦੇ ਹਨ, ਉਹਨਾਂ ਨੂੰ ਆਪਣੇ ਬੀਪੀ ਦੀ ਜਾਂਚ ਸਮੇਂ-ਸਮੇਂ ‘ਤੇ ਕਰਵਾਉਣੀ ਚਾਹੀਦੀ ਹੈ।
ਹਾਈ ਬੀਪੀ ਇੱਕ ਵੱਡੀ ਸਮੱਸਿਆ ਹੈ, ਅਜਿਹੇ ਵਿੱਚ ਇਸ ਤੋਂ ਬਚਾਅ ਲਈ ਘੱਟ ਲੂਣ ਵਾਲਾ ਸੰਤੁਲਿਤ ਖਾਣਾ, ਰੋਜ਼ ਥੋੜ੍ਹੀ ਕਸਰਤ, ਚੰਗੀ ਨੀਂਦ, ਤਣਾਅ ਘਟਾਉਣਾ, ਭਾਰ ਕੰਟਰੋਲ ਵਿੱਚ ਰੱਖਣਾ ਅਤੇ ਸਮੋਕਿੰਗ ਜਾਂ ਜ਼ਿਆਦਾ ਸ਼ਰਾਬ ਤੋਂ ਬਚਣਾ ਬਹੁਤ ਜ਼ਰੂਰੀ ਹੈ। ਛੋਟੀਆਂ-ਛੋਟੀਆਂ ਲਾਈਫਸਟਾਈਲ ਆਦਤਾਂ ਭਵਿੱਖ ਵਿੱਚ ਵੱਡੀਆਂ ਬੀਮਾਰੀਆਂ ਤੋਂ ਬਚਾਉਣ ਵਿੱਚ ਮਦਦ ਕਰ ਸਕਦੀਆਂ ਹਨ।
EDITED BY- HARLEEN KAUR
