ਜੋਤਿਸ਼ ਸ਼ਾਸਤਰ ਵਿੱਚ ਪੰਚਕ ਦੇ ਪੰਜ ਦਿਨਾਂ ਨੂੰ ਅਸ਼ੁਭ ਮੰਨਿਆ ਜਾਂਦਾ ਹੈ। ਜਿਸ ਦਿਨ ਪੰਚਕ ਸ਼ੁਰੂ ਹੁੰਦਾ ਹੈ, ਉਸ ਦਿਨ ਤੋਂ ਅਗਲੇ ਪੰਜ ਦਿਨਾਂ ਤੱਕ ਇਸਦਾ ਪ੍ਰਭਾਵ ਰਹਿੰਦਾ ਹੈ। ਹਾਲਾਂਕਿ, ਦਿਨ ਦੇ ਆਧਾਰ ‘ਤੇ ਪੰਚਕ ਦਾ ਪ੍ਰਭਾਵ ਵੱਖ-ਵੱਖ ਹੁੰਦਾ ਹੈ। ਚੰਦਰਮਾ ਦੇ ਕੁਝ ਵਿਸ਼ੇਸ਼ ਨਛੱਤਰਾਂ ਵਿੱਚ ਹੋਣ ਕਾਰਨ ਪੰਚਕ ਲੱਗਦਾ ਹੈ। ਅਗਸਤ ਮਹੀਨੇ ਵਿੱਚ ਪੰਚਕ ਰੱਖੜੀ ਤੋਂ ਠੀਕ ਇੱਕ ਦਿਨ ਪਹਿਲਾਂ ਬਣ ਰਿਹਾ ਹੈ, ਜੋ ਰੱਖੜੀ ਵਾਲੇ ਦਿਨ ਪੂਰੇ ਸਮੇਂ ਰਹੇਗਾ। ਆਓ ਜਾਣਦੇ ਹਾਂ ਕਿ ਪੰਚਕ ਕਦੋਂ ਤੋਂ ਲੱਗ ਰਿਹਾ ਹੈ?
ਪੰਚਕ ਕਿਵੇਂ ਲੱਗਦਾ ਹੈ?
ਪੰਚਾਂਗ ਅਨੁਸਾਰ ਜਦੋਂ ਚੰਦਰਮਾ ਪੂਰਵਾ ਭਾਦਰਪਦ, ਉੱਤਰਾ ਭਾਦਰਪਦ, ਧਨਿਸ਼ਠਾ, ਸ਼ਤਭਿਸ਼ਾ ਅਤੇ ਰੇਵਤੀ ਨਛੱਤਰਾਂ ਤੋਂ ਗੁਜ਼ਰਦਾ ਹੈ ਤਾਂ ਉਸ ਸਮੇਂ ਪੰਚਕ ਲੱਗਦਾ ਹੈ। ਜਿਸ ਦਿਨ ਪੰਚਕ ਲੱਗਦਾ ਹੈ, ਉਸ ਦਿਨ ਦੇ ਆਧਾਰ ‘ਤੇ ਪੰਚਕ ਦਾ ਪ੍ਰਭਾਵ ਹੁੰਦਾ ਹੈ।
ਅਗਸਤ 2026 ਵਿੱਚ ਪੰਚਕ ਕਦੋਂ ਤੋਂ ਹੈ?
ਅਗਸਤ ਮਹੀਨੇ ਵਿੱਚ ਪੰਚਕ ਦਾ ਆਰੰਭ 27 ਅਗਸਤ ਦਿਨ ਵੀਰਵਾਰ ਨੂੰ ਦੁਪਹਿਰ 01 ਵੱਜ ਕੇ 35 ਮਿੰਟ ‘ਤੇ ਲੱਗ ਰਿਹਾ ਹੈ, ਜੋ ਅਗਲੇ ਦਿਨ 28 ਅਗਸਤ ਨੂੰ ਸਵੇਰੇ 05 ਵੱਜ ਕੇ 57 ਮਿੰਟ ਤੱਕ ਰਹੇਗਾ। ਰੱਖੜੀ 28 ਅਗਸਤ ਨੂੰ ਹੈ।
27 ਅਗਸਤ ਨੂੰ ਸਾਵਣ ਮਹੀਨੇ ਦੇ ਸ਼ੁਕਲ ਪੱਖ ਦੀ ਚਤੁਰਦਸ਼ੀ ਤਿਥੀ ਹੈ। ਉਸ ਦਿਨ ਧਨਿਸ਼ਠਾ ਨਛੱਤਰ ਸਵੇਰ ਤੋਂ ਲੈ ਕੇ 28 ਅਗਸਤ ਨੂੰ 02 ਵੱਜ ਕੇ 15 ਏ.ਐਮ. ਤੱਕ ਰਹੇਗਾ। ਇਸ ਕਾਰਨ ਪੰਚਕ ਲੱਗ ਰਿਹਾ ਹੈ। ਵੀਰਵਾਰ ਨੂੰ ਸ਼ੁਰੂ ਹੋਣ ਵਾਲਾ ਪੰਚਕ ਹਾਨੀਕਾਰਕ ਨਹੀਂ ਹੁੰਦਾ ਹੈ।
ਪੰਚਕ ਕਦੋਂ ਖਤਮ ਹੋਵੇਗਾ?
ਇਸ ਪੰਚਕ ਦਾ ਸਮਾਪਨ 1 ਸਤੰਬਰ ਨੂੰ ਹੋਵੇਗਾ। ਇਨ੍ਹਾਂ ਪੰਜ ਦਿਨਾਂ ਵਿੱਚ ਚੰਦਰਮਾ ਧਨਿਸ਼ਠਾ, ਪੂਰਵਾ ਭਾਦਰਪਦ, ਉੱਤਰਾ ਭਾਦਰਪਦ, ਸ਼ਤਭਿਸ਼ਾ ਅਤੇ ਰੇਵਤੀ ਨਛੱਤਰਾਂ ਤੋਂ ਹੋ ਕੇ ਗੁਜ਼ਰੇਗਾ। 31 ਅਗਸਤ ਨੂੰ ਪੰਚਕ ਸਵੇਰੇ 5 ਵੱਜ ਕੇ 58 ਮਿੰਟ ਤੋਂ 1 ਸਤੰਬਰ ਨੂੰ ਤੜਕੇ 3 ਵੱਜ ਕੇ 23 ਮਿੰਟ ਤੱਕ ਰਹੇਗਾ। ਅਜਿਹੇ ਵਿੱਚ 31 ਅਗਸਤ ਨੂੰ ਪੂਰੇ ਦਿਨ ਪੰਚਕ ਰਹੇਗਾ।
ਪੰਚਕ ਅਸ਼ੁਭ ਹੁੰਦਾ ਹੈ?
ਪੰਚਕ ਨੂੰ ਪੂਰਨ ਰੂਪ ਵਿੱਚ ਅਸ਼ੁਭ ਅਤੇ ਕਸ਼ਟਕਾਰੀ ਨਹੀਂ ਕਿਹਾ ਜਾਂਦਾ ਹੈ। ਇਸ ਵਿੱਚ ਮਾਨਸਿਕ ਅਤੇ ਸਰੀਰਕ ਕਸ਼ਟ ਮਿਲ ਸਕਦਾ ਹੈ। ਵੀਰਵਾਰ ਅਤੇ ਬੁੱਧਵਾਰ ਨੂੰ ਸ਼ੁਰੂ ਹੋਣ ਵਾਲਾ ਪੰਚਕ ਹਾਨੀਕਾਰਕ ਨਹੀਂ ਹੁੰਦਾ ਹੈ। ਉਸ ਵਿੱਚ ਤੁਸੀਂ ਆਪਣੇ ਸ਼ੁਭ ਕਾਰਜ ਕਰ ਸਕਦੇ ਹੋ।
ਰਾਜ ਪੰਚਕ: ਜੋ ਪੰਚਕ ਸੋਮਵਾਰ ਨੂੰ ਸ਼ੁਰੂ ਹੁੰਦਾ ਹੈ, ਉਸਨੂੰ ਰਾਜ ਪੰਚਕ ਕਹਿੰਦੇ ਹਨ। ਇਹ ਪੰਚਕ ਸਰਕਾਰੀ ਕਾਰਜਾਂ, ਪ੍ਰਾਪਰਟੀ ਨਾਲ ਜੁੜੇ ਮਾਮਲਿਆਂ ਲਈ ਸ਼ੁਭ ਹੁੰਦਾ ਹੈ।
ਅਗਨੀ ਪੰਚਕ: ਮੰਗਲਵਾਰ ਨੂੰ ਸ਼ੁਰੂ ਹੋਣ ਵਾਲਾ ਪੰਚਕ ਅਗਨੀ ਪੰਚਕ ਕਹਾਉਂਦਾ ਹੈ। ਇਸ ਵਿੱਚ ਅੱਗ ਦਾ ਡਰ ਰਹਿੰਦਾ ਹੈ।
ਚੋਰ ਪੰਚਕ: ਸ਼ੁੱਕਰਵਾਰ ਨੂੰ ਸ਼ੁਰੂ ਹੋਣ ਵਾਲੇ ਪੰਚਕ ਨੂੰ ਚੋਰ ਪੰਚਕ ਕਹਿੰਦੇ ਹਨ। ਇਸ ਵਿੱਚ ਕੀਮਤੀ ਵਸਤੂਆਂ ਦੇ ਚੋਰੀ ਹੋਣ, ਧਨ ਹਾਨੀ, ਬਿਜ਼ਨਸ ਵਿੱਚ ਘਾਟਾ ਲੱਗਣ ਦੀ ਸੰਭਾਵਨਾ ਰਹਿੰਦੀ ਹੈ।
ਮ੍ਰਿਤੂ ਪੰਚਕ: ਜੋ ਪੰਚਕ ਸ਼ਨੀਵਾਰ ਤੋਂ ਸ਼ੁਰੂ ਹੁੰਦਾ ਹੈ, ਉਸਨੂੰ ਮ੍ਰਿਤੂ ਪੰਚਕ ਕਹਿੰਦੇ ਹਨ। ਇਸ ਵਿੱਚ ਦੁਰਘਟਨਾ ਜਾਂ ਫਿਰ ਮ੍ਰਿਤੂ ਦੇ ਸਮਾਨ ਕਸ਼ਟ ਦੀ ਸੰਭਾਵਨਾ ਰਹਿੰਦੀ ਹੈ।
ਪੰਚਕ ਵਿੱਚ ਕਿਹੜੇ ਕੰਮ ਵਰਜਿਤ ਹੁੰਦੇ ਹਨ?
• ਪੰਚਕ ਦੇ 5 ਦਿਨ ਕਿਸੇ ਵੀ ਨਵੇਂ ਕੰਮ, ਗ੍ਰਹਿ ਪ੍ਰਵੇਸ਼ ਆਦਿ ਲਈ ਠੀਕ ਨਹੀਂ ਹੁੰਦਾ ਹੈ।
• ਪੰਚਕ ਦੇ ਸਮੇਂ ਲੱਕੜ ਜਾਂ ਈਂਧਨ ਜਮ੍ਹਾਂ ਨਹੀਂ ਕਰਦੇ ਹਨ।
• ਇਨ੍ਹਾਂ 5 ਦਿਨਾਂ ਵਿੱਚ ਘਰ ਦੀ ਛੱਤ, ਲੈਂਟਰ ਜਾਂ ਨਿਰਮਾਣ ਕਾਰਜਾਂ ਨੂੰ ਕਰਨ ਤੋਂ ਬਚਣਾ ਚਾਹੀਦਾ ਹੈ।
• ਪੰਚਕ ਵਿੱਚ ਚਾਰਪਾਈ ਬਣਵਾਉਣਾ, ਖਰੀਦਣਾ ਜਾਂ ਖੋਲ੍ਹਣਾ ਅਸ਼ੁਭ ਹੁੰਦਾ ਹੈ।
EDITED BY- HARLEEN KAUR
