Uncategorized
ਜੇਕਰ ਤੁਹਾਨੂੰ ਵੀ ਮੂੰਹ ਦੀ ਬਦਬੂ ਕਾਰਨ ਹੁੰਦੀ ਹੈ ਸ਼ਰਮਿੰਦਗੀ ਤਾਂ ਇਹ ਘਰੇਲੂ ਦੇਸੀ ਨੁਸਖੇ ਜੜ ਤੋਂ ਖਤਮ ਕਰਨਗੇ ਸਮੱਸਿਆ
ਸਾਹ ਦੀ ਬਦਬੂ ਨਾ ਸਿਰਫ਼ ਤੁਹਾਡਾ ਆਤਮਵਿਸ਼ਵਾਸ ਕਮਜ਼ੋਰ ਕਰਦੀ ਹੈ, ਬਲਕਿ ਹੋਰਾਂ ਦੇ ਸਾਹਮਣੇ ਤੁਹਾਨੂੰ ਸ਼ਰਮਿੰਦਾ ਵੀ ਕਰ ਸਕਦੀ ਹੈ। ਇਹ ਜ਼ਰੂਰੀ ਨਹੀਂ ਕਿ ਮੂੰਹ ਤੋਂ ਬਦਬੂ ਸਿਰਫ਼ ਠੀਕ ਤਰੀਕੇ ਨਾਲ ਬਰਸ਼ ਨਾ ਕਰਨ ਕਾਰਨ ਹੀ ਆਉਂਦੀ ਹੋਵੇ। ਕਈ ਵਾਰ ਦਿਨ ਵਿੱਚ ਦੋ ਵਾਰ ਬਰਸ਼ ਕਰਨ ਤੋਂ ਬਾਅਦ ਵੀ ਇਹ ਸਮੱਸਿਆ ਪਰੇਸ਼ਾਨ ਕਰ ਸਕਦੀ ਹੈ। ਇਸਦਾ ਸਬੰਧ ਸਿਰਫ਼ ਤੁਹਾਡੇ ਟੂਥਪੇਸਟ ਜਾਂ ਬਰਸ਼ ਨਾਲ ਹੀ ਨਹੀਂ, ਸਗੋਂ ਤੁਹਾਡੇ ਖਾਣ-ਪੀਣ ਨਾਲ ਵੀ ਹੋ ਸਕਦਾ ਹੈ। ਜੇਕਰ ਤੁਸੀਂ ਵੀ ਸਾਹ ਦੀ ਬਦਬੂ ਨਾਲ ਪਰੇਸ਼ਾਨ ਰਹਿੰਦੇ ਹੋ, ਤਾਂ ਇਹ 5 ਦੇਸੀ ਘਰੇਲੂ ਨੁਸਖੇ ਤੁਹਾਡੀ ਸਮੱਸਿਆ ਦੂਰ ਕਰਨ ਵਿੱਚ ਮਦਦ ਕਰ ਸਕਦੇ ਹਨ।
1. ਸੌਂਫ ਅਤੇ ਦਾਲਚੀਨੀ
ਸੌਂਫ ਸਿਰਫ਼ ਇੱਕ ਮਾਊਥ ਫ੍ਰੈਸ਼ਨਰ ਨਹੀਂ ਹੈ, ਸਗੋਂ ਇਸ ਵਿੱਚ ਮੌਜੂਦ ਐਂਟੀ-ਬੈਕਟੀਰੀਅਲ ਗੁਣ ਮੂੰਹ ਵਿੱਚ ਬਦਬੂ ਪੈਦਾ ਕਰਨ ਵਾਲੇ ਜੀਵਾਣੂਆਂ ਨੂੰ ਖਤਮ ਕਰਨ ਵਿੱਚ ਮਦਦ ਕਰਦੇ ਹਨ। ਖਾਣਾ ਖਾਣ ਤੋਂ ਬਾਅਦ ਅੱਧਾ ਚਮਚ ਸੌਂਫ ਚਬਾਓ। ਤੁਸੀਂ ਦਾਲਚੀਨੀ ਦਾ ਇੱਕ ਛੋਟਾ ਟੁਕੜਾ ਪਾਣੀ ਵਿੱਚ ਉਬਾਲ ਕੇ ਉਸ ਨਾਲ ਕੁੱਲ੍ਹਾ ਵੀ ਕਰ ਸਕਦੇ ਹੋ। ਇਹ ਮੂੰਹ ਦੇ ਬੈਕਟੀਰੀਆ ਨੂੰ ਤੁਰੰਤ ਮਾਰ ਕੇ ਸਾਹ ਦੀ ਬਦਬੂ ਦੂਰ ਕਰਦਾ ਹੈ।
2. ਚਿਊਇੰਗ ਗਮ ਚਬਾਓ
ਮੂੰਹ ਦੀ ਬਦਬੂ ਤੋਂ ਬਚਣ ਲਈ ਸ਼ੂਗਰ-ਫ੍ਰੀ ਚਿਊਇੰਗ ਗਮ ਚਬਾਉਣਾ ਵੀ ਲਾਭਦਾਇਕ ਹੈ। ਚਿਊਇੰਗ ਗਮ ਚਬਾਉਣ ਨਾਲ ਲਾਰ ਦਾ ਸ੍ਰਾਵ ਵਧਦਾ ਹੈ, ਜਿਸ ਨਾਲ ਮੂੰਹ ਸੁੱਕਦਾ ਨਹੀਂ ਅਤੇ ਸਾਹ ਤਾਜ਼ਾ ਰਹਿੰਦੇ ਹਨ।
3. ਜੀਭ ਦੀ ਸਫਾਈ
ਕਈ ਵਾਰ ਲੋਕ ਦੰਦਾਂ ਦੀ ਸਫਾਈ ਤਾਂ ਕਰਦੇ ਹਨ ਪਰ ਜੀਭ ਸਾਫ਼ ਕਰਨਾ ਭੁੱਲ ਜਾਂਦੇ ਹਨ। ਜੀਭ ‘ਤੇ ਜੰਮਣ ਵਾਲੀ ਚਿੱਟੀ ਪਰਤ ਵੀ ਮੂੰਹ ਦੀ ਬਦਬੂ ਦਾ ਸਭ ਤੋਂ ਵੱਡਾ ਕਾਰਨ ਹੁੰਦੀ ਹੈ। ਇਸ ਲਈ ਹਰ ਰੋਜ਼ ਸਵੇਰੇ ਬਰਸ਼ ਕਰਨ ਤੋਂ ਬਾਅਦ ‘ਟੰਗ ਕਲੀਨਰ’ ਨਾਲ ਜੀਭ ਨੂੰ ਜ਼ਰੂਰ ਸਾਫ਼ ਕਰੋ। ਇਸ ਨਾਲ ਮੂੰਹ ਵਿੱਚ ਬਦਬੂ ਪੈਦਾ ਕਰਨ ਵਾਲੇ 80% ਬੈਕਟੀਰੀਆ ਖਤਮ ਹੋ ਜਾਂਦੇ ਹਨ।
4. ਹਲਦੀ ਅਤੇ ਨਮਕ ਨਾਲ ਕਰੋ ਬਰਸ਼
ਜੇਕਰ ਮੂੰਹ ਤੋਂ ਬਦਬੂ ਆ ਰਹੀ ਹੈ, ਤਾਂ ਆਪਣੇ ਟੂਥਪੇਸਟ ਵਿੱਚ ਇੱਕ ਚੁਟਕੀ ਹਲਦੀ, ਨਮਕ ਅਤੇ ਸਰੋਂ ਦਾ ਤੇਲ ਮਿਲਾ ਕੇ ਬਰਸ਼ ‘ਤੇ ਲਗਾਓ ਅਤੇ ਹੌਲੀ-ਹੌਲੀ ਬਰਸ਼ ਕਰੋ। ਹਫ਼ਤੇ ਵਿੱਚ 2 ਵਾਰ ਇਹ ਕਰਨ ਨਾਲ ਮੂੰਹ ਵਿੱਚ ਮੌਜੂਦ ਬੈਕਟੀਰੀਆ ਘਟਦੇ ਹਨ ਅਤੇ ਬਦਬੂ ਹੌਲੀ-ਹੌਲੀ ਖਤਮ ਹੋਣ ਲੱਗਦੀ ਹੈ।
5. ਨਮਕ ਵਾਲੇ ਪਾਣੀ ਨਾਲ ਗਰਾਰੇ
ਇਹ ਬਹੁਤ ਪੁਰਾਣਾ ਅਤੇ ਵਿਗਿਆਨਕ ਤਰੀਕਾ ਹੈ। ਨਮਕ ਵਾਲਾ ਪਾਣੀ ਮੂੰਹ ਦੇ pH ਪੱਧਰ ਨੂੰ ਸੰਤੁਲਿਤ ਕਰਦਾ ਹੈ ਅਤੇ ਗਲੇ ਤੇ ਮਸੂੜਿਆਂ ਵਿੱਚ ਲੁਕੇ ਬੈਕਟੀਰੀਆ ਨੂੰ ਖਤਮ ਕਰਦਾ ਹੈ। ਇਸ ਲਈ ਗੁੰਮਗੁੰਮੇ ਪਾਣੀ ਵਿੱਚ ਅੱਧਾ ਚਮਚ ਨਮਕ ਮਿਲਾ ਕੇ ਰਾਤ ਨੂੰ ਸੌਣ ਤੋਂ ਪਹਿਲਾਂ ਗਰਾਰੇ ਕਰੋ।
EDITED BY- HARLEEN KAUR
