ਅੱਜ ਕੱਲ੍ਹ ਲੋਕਾਂ ਦੀ ਲਾਈਫਸਟਾਈਲ ਇੰਨੀ ਬਦਲ ਗਈ ਹੈ ਕਿ ਨਾ ਤਾਂ ਸੌਣ ਦਾ ਸਮਾਂ ਤੈਅ ਹੈ ਅਤੇ ਨਾ ਹੀ ਜਾਗਣ ਦਾ। ਕਈ ਲੋਕ ਫੋਨ ਚਲਾਉਣ ਦੇ ਚੱਕਰ ਵਿੱਚ ਰਾਤ 2 ਵਜੇ ਤੱਕ ਜਾਗਦੇ ਰਹਿੰਦੇ ਹਨ ਅਤੇ ਸਵੇਰੇ ਦੇਰ ਨਾਲ ਉੱਠਦੇ ਹਨ ਪਰ ਸ਼ਾਇਦ ਉਨ੍ਹਾਂ ਨੂੰ ਇਹ ਨਹੀਂ ਪਤਾ ਕਿ ਇਸ ਦਾ ਸਿਹਤ ‘ਤੇ ਕਿੰਨਾ ਮਾੜਾ ਅਸਰ ਪੈ ਸਕਦਾ ਹੈ।
ਰੋਜ਼ਾਨਾ ਸੌਣ ਅਤੇ ਜਾਗਣ ਦੇ ਸਮੇਂ ਵਿੱਚ ਵੱਡਾ ਬਦਲਾਅ ਲੰਬੇ ਸਮੇਂ ਵਿੱਚ ਦਿਲ ਦੀ ਸਿਹਤ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ। ਸਿਰਫ਼ ਇਹ ਮਾਇਨੇ ਨਹੀਂ ਰੱਖਦਾ ਕਿ ਅਸੀਂ ਕਿੰਨੇ ਘੰਟੇ ਸੌਂਦੇ ਹਾਂ, ਸਗੋਂ ਇਹ ਵੀ ਮਹੱਤਵਪੂਰਨ ਹੈ ਕਿ ਅਸੀਂ ਕਦੋਂ ਸੌਂਦੇ ਹਾਂ ਅਤੇ ਸਾਡੀ ਨੀਂਦ ਪੂਰੀ ਤੇ ਗੁਣਵੱਤਾ ਵਾਲੀ ਹੈ ਜਾਂ ਨਹੀਂ।
