ਵਾਸਤੂ ਦਾ ਸਾਡੇ ਜੀਵਨ ਵਿੱਚ ਖਾਸ ਮਹੱਤਵ ਹੈ। ਜੇ ਘਰ ਵਾਸਤੂ ਦੇ ਅਨੁਸਾਰ ਨਹੀਂ ਬਣਿਆ ਹੋਵੇ ਤਾਂ ਜੀਵਨ ਵਿੱਚ ਦਰਿਦ੍ਰਤਾ ਆ ਜਾਂਦੀ ਹੈ। ਜਿੱਥੇ ਦਰਿਦ੍ਰਤਾ ਆ ਜਾਂਦੀ ਹੈ, ਉੱਥੋਂ ਮਾਂ ਲੱਛਮੀ ਰੁੱਸ ਕੇ ਚਲੀ ਜਾਂਦੀ ਹੈ। ਅੱਜ ਇੱਥੇ ਅਸੀਂ ਗੱਲ ਕਰ ਰਹੇ ਹਾਂ ਘਰ ਦੇ ਬੈੱਡਰੂਮ ਦੀ, ਕਿਉਂਕਿ ਇਨਸਾਨ ਸਭ ਤੋਂ ਵੱਧ ਸਮਾਂ ਆਪਣੇ ਬੈੱਡਰੂਮ ਵਿੱਚ ਬਿਤਾਉਂਦਾ ਹੈ। ਅਕਸਰ ਅਸੀਂ ਬੈੱਡਰੂਮ ਵਿੱਚ ਕੁਝ ਵੀ ਰੱਖ ਦਿੰਦੇ ਹਾਂ, ਜੋ ਕਿ ਗਲਤ ਹੈ। ਵਾਸਤੂ ਸ਼ਾਸਤਰ ਅਨੁਸਾਰ, ਰਾਤ ਦੇ ਸਮੇਂ ਬੈੱਡਰੂਮ ਵਿੱਚ ਕੁਝ ਚੀਜ਼ਾਂ ਰੱਖਣ ਨਾਲ ਆਰਥਿਕ ਮੁਸ਼ਕਲਾਂ ਵੱਧਦੀਆਂ ਹਨ। ਨਾਲ ਹੀ ਪਤੀ-ਪਤਨੀ ਦੇ ਵਿਚਕਾਰ ਤਣਾਅ ਵੱਧਦਾ ਹੈ। ਆਓ ਜਾਣਦੇ ਹਾਂ ਇਹ ਚੀਜ਼ਾਂ ਕਿਹੜੀਆਂ ਹਨ…
ਬੈੱਡਰੂਮ ਵਿੱਚ ਜੁੱਤੇ-ਚੱਪਲ ਨਾ ਰੱਖੋ
ਬੈੱਡਰੂਮ ਵਿੱਚ ਜੁੱਤੇ-ਚੱਪਲ ਰੱਖਣਾ ਅਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਨਾਲ ਪਤੀ-ਪਤਨੀ ਦੇ ਰਿਸ਼ਤਿਆਂ ‘ਤੇ ਨਕਾਰਾਤਮਕ ਪ੍ਰਭਾਵ ਪੈਂਦਾ ਹੈ ਅਤੇ ਦੋਵਾਂ ਦੇ ਵਿਚਕਾਰ ਤਣਾਅ ਪੈਦਾ ਹੋਣ ਲੱਗਦਾ ਹੈ। ਨਾਲ ਹੀ ਵਾਸਤੂ ਦੋਸ਼ ਲੱਗਦਾ ਹੈ ਅਤੇ ਆਰਥਿਕ ਹਾਲਤ ਵੀ ਖਰਾਬ ਰਹਿੰਦੀ ਹੈ।
ਇਲੈਕਟ੍ਰਾਨਿਕ ਉਪਕਰਣ ਨਾ ਰੱਖੋ
ਵਾਸਤੂ ਸ਼ਾਸਤਰ ਅਨੁਸਾਰ ਮੋਬਾਈਲ, ਲੈਪਟਾਪ, ਟੀਵੀ ਅਤੇ ਹੋਰ ਇਲੈਕਟ੍ਰਾਨਿਕ ਉਪਕਰਣ ਬੈੱਡ ਦੇ ਨੇੜੇ ਨਹੀਂ ਰੱਖਣੇ ਚਾਹੀਦੇ। ਇਹਨਾਂ ਤੋਂ ਨਕਾਰਾਤਮਕ ਊਰਜਾ ਅਤੇ ਰੇਡੀਏਸ਼ਨ ਨਿਕਲਦੀ ਹੈ, ਜੋ ਨੀਂਦ ਦੀ ਕਮੀ ਅਤੇ ਮਾਨਸਿਕ ਅਸ਼ਾਂਤੀ ਪੈਦਾ ਕਰਦੀ ਹੈ। ਇਸ ਲਈ ਸੋਣ ਵੇਲੇ ਇਹਨਾਂ ਨੂੰ ਬੰਦ ਕਰ ਦੇਣਾ ਚਾਹੀਦਾ ਹੈ।
ਦੇਵਤਿਆਂ ਦੇ ਚਿੱਤਰ ਅਤੇ ਮੂਰਤੀ ਨਾ ਰੱਖੋ
ਘਰ ਦੇ ਬੈੱਡਰੂਮ ਵਿੱਚ ਦੇਵੀ-ਦੇਵਤਿਆਂ ਦੇ ਚਿੱਤਰ ਜਾਂ ਮੂਰਤੀ ਨਹੀਂ ਰੱਖਣੀ ਚਾਹੀਦੀ। ਕਿਉਂਕਿ ਬੈੱਡਰੂਮ ਸੋਣ ਅਤੇ ਪਤੀ-ਪਤਨੀ ਦੇ ਨਿੱਜੀ ਪਲਾਂ ਲਈ ਹੁੰਦਾ ਹੈ। ਬੈੱਡਰੂਮ ਵਿੱਚ ਭਗਵਾਨ ਦੀ ਮੂਰਤੀ ਜਾਂ ਧਾਰਮਿਕ ਗ੍ਰੰਥ ਰੱਖਣ ਨਾਲ ਘਰ ਵਿੱਚ ਵਿਰੋਧੀ ਸਥਿਤੀਆਂ ਪੈਦਾ ਹੋ ਸਕਦੀਆਂ ਹਨ। ਇਸ ਨਾਲ ਵਾਸਤੂ ਦੋਸ਼ ਲੱਗਦਾ ਹੈ ਅਤੇ ਪਤੀ-ਪਤਨੀ ਦੇ ਵਿਚਕਾਰ ਲੜਾਈ ਹੋ ਸਕਦੀ ਹੈ।
EDITED BY- HARLEEN KAUR
